|    Jan 21 Sat, 2017 2:12 pm
FLASH NEWS

15ാം തവണയും വിജയപീഠത്തിലേറി മാപ്പിളകലകളുടെ സുല്‍ത്താന്റെ മക്കള്‍

Published : 29th February 2016 | Posted By: SMR

വടകര: കലാമേളകളില്‍ ദഫ്മുട്ടില്‍ ജേതാക്കളാരായാലും കോയ ഉസ്താദിന് സന്തോഷമാവും. കാരണം മല്‍സരിക്കുന്നത് കോയ കാപ്പാടിന്റെ മക്കളാണ് എന്നതു തന്നെ. മലബ്ബാര്‍ മേഖലയിലെ ഏത് ജില്ലകളിലും ബി-സോണ്‍ കലോല്‍സവത്തില്‍ യോഗ്യത നേടിയത് 2001 മുതല്‍ ദഫ്മുട്ടില്‍ നിറഞ്ഞുനില്‍ക്കുന്ന കോയക്ക പരിശീലിപ്പിച്ച കുട്ടികളാണ്. ഇത്തവണ തിരുവള്ളൂരില്‍ നടക്കുന്ന കാലിക്കറ്റ് യൂനിവേഴ്‌സിറ്റി ബി-സോണ്‍ കലോല്‍സവത്തില്‍ ദഫ്മുട്ടില്‍ കോയയുടെ കുട്ടികളാണ് ഒന്നും രണ്ടും സ്ഥാനങ്ങള്‍ കരസ്ഥമാക്കിയത്.
കഴിഞ്ഞ 15 വര്‍ഷമായി ബി-സോണ്‍ കലോല്‍സവങ്ങളില്‍ ദഫ്മുട്ടില്‍ കോയ കാപ്പാടിന്റെ പരിശീലനത്തിലൂടെയാണ് ഫാറൂഖ് കോളജ് ഒന്നാം സ്ഥാനം കരസ്ഥമാക്കിയത്. രണ്ടാം സ്ഥാനം നേടിയ കാരന്തൂര്‍ മര്‍ക്കസും ഇദ്ദേഹത്തിന്റെ പരിശീലനത്തിലാണ് കലോല്‍സവത്തിനെത്തിയത്. നാലു തലമുറകളായി ദഫ്മുട്ടില്‍ 130 വര്‍ഷത്തിന്റെ പാരമ്പര്യമുള്ള കാപ്പാട് ആലസ്സന്‍വീടിന്റെ പ്രതാപം വാനോളം ഉയര്‍ത്തിയ പിതാവ് അഹമ്മദ് കുട്ടി ഉസ്താദിന്റെ പാതയില്‍ ഒളിവിതറുകയാണ് പുത്രന്‍ കോയ കാപ്പാട്. കോയയുടെ തറവാടായ ആലസ്സന്‍ വീട്ടില്‍ കേരള ഫോക്‌ലോര്‍ അക്കാദമിയുടെ സ്‌റ്റൈപെന്റോടെയാണ് കുട്ടികളെ പരിശീലിപ്പിക്കുന്നത്.
കൊണ്ടോട്ടി മോയിന്‍കുട്ടി വൈദ്യര്‍ സ്മാരകത്തില്‍ തിയറി വിഭാഗത്തില്‍ തലവനായും കലാക്ഷേത്ര പദ്ധതിയുടെ ഭാഗമായും ഇദ്ദേഹം പ്രവര്‍ത്തിച്ചിട്ടുണ്ട്. നാട്ടിലെന്നപോലെ വിദേശത്തും കോയ മാപ്പിളകലകള്‍ പഠിപ്പിക്കുകയാണിപ്പോള്‍.

Share on FacebookShare on Google+Tweet about this on TwitterShare on LinkedIn
(Visited 67 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക