|    May 26 Fri, 2017 5:42 am
FLASH NEWS

15നു ശേഷം പ്രതികരിക്കാമെന്ന് വെള്ളാപ്പള്ളി

Published : 13th December 2015 | Posted By: SMR

കൊല്ലം: 15നു കൊല്ലത്ത് പ്രധാനമന്ത്രി പങ്കെടുക്കുന്ന ആര്‍ ശങ്കര്‍ പ്രതിമ അനാച്ഛാദനച്ചടങ്ങില്‍ നിന്നു മുഖ്യമന്ത്രി ഉമ്മന്‍ചാണ്ടിയെ ഒഴിവാക്കിയ സംഭവത്തെക്കുറിച്ച് പ്രതികരിക്കാന്‍ വെള്ളാപ്പള്ളി നടേശന്‍ തയ്യാറായില്ല. താനും മുഖ്യമന്ത്രിയും തമ്മില്‍ അങ്ങനെ പലതും സംസാരിക്കുമെന്നും അതൊന്നും മാധ്യമങ്ങളോട് പറയാനാവില്ലെന്നും വെള്ളാപ്പള്ളി കൊല്ലത്ത് പ്രതികരിച്ചു.
വിഷയത്തില്‍ പോസ്റ്റ്‌മോര്‍ട്ടം നടത്തേണ്ട സമയമല്ല ഇതെന്നും ഇക്കാര്യത്തില്‍ 15നു ശേഷം വിശദമായ ചര്‍ച്ചകളോ പ്രതികരണങ്ങളോ ആവാമെന്നും അദ്ദേഹം പറഞ്ഞു. പ്രതിമ അനാച്ഛാദനച്ചടങ്ങില്‍ മുഖ്യമന്ത്രി ഉമ്മന്‍ചാണ്ടിയായിരുന്നു അധ്യക്ഷന്‍. പ്രധാനമന്ത്രി നരേന്ദ്ര മോദി പ്രതിമ അനാച്ഛാദനവും വെള്ളാപ്പള്ളി മുഖ്യപ്രഭാഷണവും നടത്തുമെന്നുമായിരുന്നു നോട്ടീസില്‍ വ്യക്തമാക്കിയത്. നോട്ടീസില്‍ ഉള്‍പ്പെടുത്തിയിരിക്കുന്നവരില്‍ സ്ഥലം എംഎല്‍എ പി കെ ഗുരുദാസന്‍, എംപി എന്‍ കെ പ്രേമചന്ദ്രന്‍, മേയര്‍ വി രാജേന്ദ്ര ബാബു, ബിജെപി സംസ്ഥാന അധ്യക്ഷന്‍ മുരളീധരന്‍ എന്നിവരാണുള്ളത്. ഇവരെ കൂടാതെ വേദിയിലുള്ള ആറു പേരും എസ്എന്‍ഡിപി നേതാക്കളാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day