|    Nov 16 Fri, 2018 2:37 am
FLASH NEWS
Home   >  Todays Paper  >  Page 4  >  

15കാരിയെ മരിച്ച നിലയില്‍ കണ്ടെത്തിയ സംഭവം: ക്രൈംബ്രാഞ്ച് അന്വേഷിക്കണം

Published : 31st July 2018 | Posted By: kasim kzm

കൊച്ചി: ദുരൂഹ സാഹചര്യത്തില്‍ 15കാരിയെ മരിച്ച നിലയില്‍ കണ്ടെത്തിയ സംഭവം ക്രൈംബ്രാഞ്ച് അന്വേഷിക്കണമെന്നു ഹൈക്കോടതി. 2017 ഡിസംബര്‍ 14ന് പെണ്‍കുട്ടിയെ വയനാട് പുല്‍പ്പള്ളിയിെല വീടിനു പുറത്തെ കുളിമുറിയില്‍ മരിച്ചതായി കണ്ട കേസിലാണ് സിംഗിള്‍ ബെഞ്ചിന്റെ ഉത്തരവ്. കോഴിക്കോട് മേഖല ക്രൈംബ്രാഞ്ച് ഡിവൈഎസ്പി കേസ് ഏറ്റെടുത്ത് അന്വേഷണം നടത്താനാണ് ഉത്തരവ്. തോര്‍ത്തില്‍ തൂങ്ങിമരിച്ചു എന്നാണ് പോലിസ് റിപോര്‍ട്ടെങ്കിലും കാര്യക്ഷമമായ പോലിസ് അന്വേഷണം നടന്നിട്ടില്ലെന്നും അതിനാല്‍ കേസ് ക്രൈംബ്രാഞ്ചിന് വിടണമെന്നുമാവശ്യപ്പെട്ട് പെണ്‍കുട്ടിയുടെ പിതൃസഹോദരി എം കെ രമണി, അയല്‍വാസികളായ ഷിബു, മാണി പാമ്പനാല്‍ എന്നിവരാണ് കോടതിയെ സമീപിച്ചത്. തൊഴുത്ത് ശുചീകരിക്കുകയായിരുന്ന കുട്ടി
യുടെ മാതാവാണ് മൃതദേഹം ആദ്യം കണ്ടത്. കുളിമുറിയിലേക്ക് കയറിപ്പോയ പെണ്‍കുട്ടിയെ കുറച്ചു സമയം കഴിഞ്ഞിട്ടും കാണാതിരുന്നതിനെ തുടര്‍ന്ന് മാതാവ് വാതില്‍ തള്ളിത്തുറക്കുകയായിരുന്നു. കഴുത്തില്‍ കുരുക്കിട്ട് ഇരിക്കുന്ന അവസ്ഥയില്‍ മൃതദേഹം കണ്ടുവെന്നാണ് അവര്‍ മൊഴി നല്‍കിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss