|    Nov 16 Fri, 2018 2:18 am
FLASH NEWS
Home   >  National   >  

120ഓളം യുവതികളെ ബലാല്‍സംഗം ചെയ്ത ആള്‍ദൈവം അറസ്റ്റില്‍

Published : 21st July 2018 | Posted By: mtp rafeek


ഫത്തേബാദ്: ഹരിയാനയില്‍ 120ഓളം സ്ത്രീകളെ ബലാല്‍സംഗത്തിനിരയാക്കിയ സ്വയം പ്രഖ്യാപിത ആള്‍ദൈവം അറസ്റ്റില്‍. ബാബ അമര്‍പുരി (60) ആണ് അറസ്റ്റിലായത്. സ്ത്രീകള്‍ക്ക് മയക്കുമരുന്ന് നല്‍കിയശേഷമായിരുന്നു പീഡനം.

ബില്ലു എന്ന വിളിപ്പേരില്‍  അറിയപ്പെട്ടിരുന്ന ഇയാള്‍ സ്ത്രീകളെ ബലാത്സംഗം ചെയ്യുന്ന ദൃശ്യം ക്യാമറയില്‍ പകര്‍ത്തിയിരുന്നു.  അതുപയോഗിച്ച് ബ്ലാക്‌മെയില്‍ ചെയ്തായിരുന്നു തുടര്‍ന്നുള്ള പീഡനം. ഇയാളുടെ താമസസ്ഥലത്ത് പൊലിസ് നടത്തിയ പരിശോധനയില്‍ നിരവധി നിരവധി വീഡിയോ ക്ലിപ്പുകള്‍ കണ്ടെത്തിയിട്ടുണ്ട്. ഇവയിലെല്ലാം വെവ്വേറെ സ്ത്രീകളാണെന്നാണ് വിവരം.

പീഡന കേസില്‍ അടുത്ത കാലത്ത് അറസ്റ്റിലായ മൂന്നാമത്തെ ആള്‍ദൈവമാണ് ബാബ അമര്‍പുരി. 16 കാരിയെ പീഡിപ്പിച്ച കേസില്‍ ആശാറാം ബാപ്പുവിനെ കോടതി ജീവപര്യന്തം തടവിന് ശിക്ഷിച്ചിരുന്നു. ആശ്രമത്തിലെ രണ്ടു അന്തേവാസികളെ പീഡിപ്പിച്ചതിന് ആള്‍ദൈവം ഗുര്‍മീത് റാം റഹിമിനെ കോടതി 20 വര്‍ഷം തടവിനാണ് ശിക്ഷിച്ചത്. പലപ്പോഴും ആശ്രമത്തിലെ ശിഷ്യകളെയും മറ്റുമാണ് ഇവര്‍ പീഡനത്തിനിരയാക്കുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss