|    Dec 14 Thu, 2017 6:43 pm
FLASH NEWS
Home   >  News now   >  

13 മൃതദേഹങ്ങള്‍ കൂടി കണ്ടെടുത്തു, മരണം 28

Published : 3rd December 2017 | Posted By: G.A.G

തിരുവനന്തപുരം: ഓഖി കൊടുങ്കാറ്റിനെത്തുടര്‍ന്ന് കടലില്‍ മരിച്ചവരുടെ 13 മൃതദേഹങ്ങള്‍ കൂടി ഇന്ന് കണ്ടെടുത്തു. ഇതോടെ മരണം 28 ആയി സ്ഥിരീകരിച്ചു. 69 പേരെ രക്ഷിക്കാന്‍ സാധിച്ചു. നാവികസേന രക്ഷിച്ച നാലു തൊഴിലാളികളെ ശംഖുമുഖത്തും 16 പേരെ കൊല്ലം ശക്തികുളങ്ങരയിലും എത്തിച്ചു. കോസ്റ്റ് ഗാര്‍ഡ് 19 പേരെ കൊച്ചി ചെല്ലാനത്ത് എത്തിച്ചു. കൊച്ചിയില്‍ നിന്നു പോയ നാലു ബോട്ടുകളിലെ ആറു മലയാളികളടക്കം 36 തൊഴിലാളികള്‍ 19 മണിക്കൂര്‍ കടലില്‍ കുടുങ്ങിയശേഷം കണ്ണൂര്‍ അഴീക്കല്‍ തുറമുഖത്ത് എത്തിച്ചേര്‍ന്നു . തമിഴ്‌നാട്ടില്‍നിന്നുള്ള 28 തൊഴിലാളികളുമായി മൂന്നു ബോട്ടുകള്‍കൂടി അഴീക്കല്‍ തീരത്തെത്തിയിട്ടുണ്ട്. നാവികസേനയുടെ മറ്റൊരു സംഘം 22 തൊഴിലാളികളെ രക്ഷപ്പെടുത്തി കപ്പലില്‍ ബേപ്പൂരിലെത്തിച്ചിട്ടുണ്ട്. പൂന്തുറയില്‍നിന്നുള്ള അഞ്ചുപേര്‍ ലക്ഷദ്വീപിലേക്കു നീന്തിക്കയറി. സര്‍ക്കാരിന്റെ കണക്കനുസരിച്ച് 92 പേരെയാണ് ഇനിയും രക്ഷപ്പെടുത്താനുള്ളത്. എന്നാല്‍ കൂടുതല്‍ പേര്‍ കടലില്‍ കുടുങ്ങിയിട്ടുണ്ടെന്നാണ് നാട്ടുകാര്‍ പറയുന്നത്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക