|    Jan 21 Sat, 2017 11:07 pm
FLASH NEWS
Home   >  Life  >  Health  >  

11 മാസം പ്രായമുള്ള കുഞ്ഞിന്റെ കരള്‍ മാറ്റിവച്ചു

Published : 17th April 2016 | Posted By: SMR

_11_months_old_infantlive

കൊച്ചി: സംസ്ഥാനത്ത് ആദ്യമായി 11 മാസം മാത്രം പ്രായമുള്ള പെണ്‍കുഞ്ഞിന് കരള്‍ മാറ്റിവച്ചു. ഫോര്‍ട്ട് കൊച്ചി സ്വദേശിനി ഷിനി കോശിയുടെ മകളായ ഹേസല്‍ മറിയത്തിന്റെ കരളാണ് എറണാകുളം ആസ്റ്റര്‍ മെഡിസിറ്റിയില്‍ ശസ്ത്രക്രിയയിലൂടെ മാറ്റിവച്ചത്.
ജന്‍മനാലുള്ള ‘ബൈലിയറി അട്രീഷ്യ’ എന്ന രോഗംമൂലം കുഞ്ഞിന്റെ കരളില്‍ നിന്നും പിത്തസഞ്ചിയിലേക്കുള്ള പിത്തരസത്തിന്റെ ഒഴുക്ക് തടസ്സപ്പെടുകയും പിത്തരസം കരളില്‍ കെട്ടിക്കിടന്ന് വടുക്കള്‍ (സിറോസിസ്) രൂപപ്പെടുകയുമായിരുന്നു. വിശപ്പു കുറവും കറുത്ത നിറത്തിലുള്ള മൂത്രവും അസ്വസ്ഥതകള്‍ കൂട്ടി. ആറുമാസത്തിനുശേഷമാണ് ഹേസല്‍ മറിയത്തിന് ജന്‍മനാലുള്ള രോഗാവസ്ഥയാണെന്നു തിരിച്ചറിഞ്ഞത്. കരളിന്റെ പ്രവര്‍ത്തനത്തകരാര്‍മൂലം കുഞ്ഞ് രക്തം ഛര്‍ദ്ദിക്കുന്ന അവസ്ഥയുമുണ്ടായിരുന്നു. രോഗനി ര്‍ണയം വൈകിയതിനാല്‍ ജീവഹാനി സംഭവിക്കാവുന്ന രീതിയില്‍ കുഞ്ഞിന്റെ കരളിന്റെ പ്രവര്‍ത്തനം മോശമാവുകയും ചെയ്തതോടെ കരള്‍ മാറ്റിവയ്ക്കല്‍ മാത്രമായിരുന്നു പരിഹാരം.
രോഗംമൂലം കുഞ്ഞിന്റെ വളര്‍ച്ച വളരെ സാവധാനത്തിലാണെന്നു പരിശോധനയിലൂടെ മനസ്സിലായെന്ന് ആസ്റ്റര്‍ ഇന്റഗ്രേറ്റഡ് ലിവര്‍ കെയര്‍ കണ്‍സള്‍ട്ടന്റ് ഡോ. മാത്യൂ ജേക്കബ്, നിയോനേറ്റോളജി കണ്‍സള്‍ട്ടന്റ് ഡോ. രാജപ്പന്‍ പിള്ള എന്നിവര്‍ പറഞ്ഞു. കുഞ്ഞിന്റെ അമ്മതന്നെ കരള്‍ ദാനംചെയ്യാന്‍ മുന്നോട്ടുവരികയും അത് കുഞ്ഞിന് അനുയോജ്യമാവുകയും ചെയ്തു. ആസ്റ്റര്‍ ഇന്റഗ്രേറ്റഡ് ലിവര്‍ കെയറിലെ പ്രത്യേക ട്രാന്‍സ്പ്ലാന്റ് സര്‍ജന്‍മാരാണ് കരള്‍മാറ്റ ശസ്ത്രക്രിയ നടത്തിയത്.

Share on FacebookShare on Google+Tweet about this on TwitterShare on LinkedIn
(Visited 229 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക