10 ആണവ റിയാക്ടറുകള്ക്ക് കേന്ദ്രാനുമതി
BY fousiya sidheek18 May 2017 3:49 AM GMT
fousiya sidheek18 May 2017 3:49 AM GMT
ന്യൂഡല്ഹി: പത്ത് ആണവ റിയാക്ടറുകള് സ്വദേശീയമായി നിര്മിക്കാനുള്ള പദ്ധതിക്ക് കേന്ദ്ര മന്ത്രിസഭയുടെ അംഗീകാരം. ഇന്ത്യയില് തന്നെ ആണവോര്ജം ഉല്പാദിപ്പിക്കുന്നത് പ്രോല്സാഹിപ്പിക്കുന്നതിന്റെ ഭാഗമായാണ് ഇത്രയും വലിയ പദ്ധതിക്ക് അനുമതി നല്കിയിരിക്കുന്നത്. 700 മെഗാവാട്ട് ശേഷിയുള്ള പത്ത് റിയാക്ടറുകളും വിജയകരമായാല് ഇന്ത്യയുടെ ആണവോര്ജ വ്യവസായ മേഖലയ്ക്കിത് വലിയ പ്രചോദനമായിരിക്കും. അണുവോര്ജ വകുപ്പിനു കീഴില് പ്രഷറൈസ്ഡ് ഹെവി വാട്ടര് റിയാക്ടറുകളും വികസിപ്പിക്കും. ഇത്തരത്തില് 7000 മെഗാവാട്ടിന്റെ ശേഷി കൂടി സ്വായത്തമാവുന്നതോടെ ശുദ്ധ ഊര്ജോല്പാദനത്തെ സഹായിക്കുമെന്ന് കേന്ദ്ര ഊര്ജ മന്ത്രി പിയൂഷ് ഗോയല് പറഞ്ഞു. രാജസ്ഥാന്, മധ്യപ്രദേശ്, കര്ണാടക, ഹരിയാന എന്നിവിടങ്ങളിലായാണ് 10 ആണവ റിയാക്ടറുകള് സ്ഥാപിക്കുന്നത്. ഈ പദ്ധതികളിലൂടെ 33,400ലധികം തൊഴിലവസരങ്ങളായിരിക്കും സൃഷ്ടിക്കപ്പെടുക. ഈ പദ്ധതികള് ഇന്ത്യക്ക് സുസ്ഥിര വികസനത്തോടുള്ള പ്രതിബദ്ധതയുടെ തെളിവാണെന്നും മന്ത്രി പറഞ്ഞു.
Next Story
RELATED STORIES
കളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTകോഴിക്കോട് മെഡിക്കല് കോളജ് ഐസിയു പീഡനക്കേസ് അതിജീവിതയുടെ സമരം...
23 April 2024 11:31 AM GMTലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMTകൊവിഡ് വാക്സിന് എന്ന് തെറ്റിദ്ധരിപ്പിച്ച് ഒറ്റയ്ക്ക് താമസിക്കുന്ന...
23 April 2024 5:51 AM GMT