|    Mar 25 Sat, 2017 7:29 am
FLASH NEWS

1.4 കോടിയുടെ പ്രവൃത്തികള്‍ക്ക് അനുമതി

Published : 17th February 2016 | Posted By: SMR

കോഴിക്കോട്: പൂനൂര്‍ പുഴക്ക് കുറുകെ പടനിലത്ത് ചെക്ക് ഡാം നിര്‍മിക്കാന്‍ 90 ലക്ഷം രൂപയുടെയും ചാത്തമംഗലം പഞ്ചായത്തിലെ വെള്ളന്നൂര്‍ ലിഫ്റ്റ് ഇരിഗേഷന്‍ വിപുലീകരണത്തിന് 50 ലക്ഷം രൂപയുടെയും പ്രവൃത്തികള്‍ക്ക് നടപടിയായതായി പി ടി എ റഹീം എംഎല്‍എ അറിയിച്ചു. പൂനൂര്‍ പുഴക്ക് ഉണ്ടോടിക്കടവില്‍ എംഎല്‍എയുടെ നിയോജകമണ്ഡലം ആസ്തി വികസന ഫണ്ടില്‍ നിന്ന് അനുവദിച്ച 95 ലക്ഷം രൂപയുടെ ചെക്ക് ഡാം പ്രവൃത്തി നടന്നുവരികയാണ്. പടനിലം ചെക്ക് ഡാം കൂടി പൂര്‍ത്തീകരിക്കുന്നതോടെ ഈ ഭാഗത്ത് വേനല്‍ക്കാലത്ത് അനുഭവപ്പെടുന്ന കുടിവെള്ള ക്ഷാമത്തിന് പരിഹാരമാവും.
കാര്‍ഷിക മേഖലയായ വെള്ളന്നൂരില്‍ നിലവിലുള്ള ലിഫ്റ്റ് ഇരിഗേഷന്‍ പദ്ധതി 120 ഹെക്ടര്‍ സ്ഥലത്തെ കൃഷിക്ക് ഉപയോഗിച്ചുവരുന്നു. ഈ പദ്ധതിയുടെ നവീകരണത്തിനും സങ്കേതം ഭാഗത്തേക്ക് 270 മീറ്റര്‍നീളത്തില്‍ കനാല്‍ ദീര്‍ഘിപ്പിക്കുന്നതിനുമാണ് ഇപ്പോള്‍ ഭരണാനുമതി ലഭിച്ച 50 ലക്ഷം ഉപയോഗപ്പെടുത്തുന്നതെന്നും എംഎല്‍എ അറിയിച്ചു.

(Visited 58 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക