|    May 23 Wed, 2018 8:32 pm
FLASH NEWS

ഹോട്ടല്‍ ആക്രമണം; യഥാര്‍ഥ പ്രതികള്‍ പിടിയില്‍

Published : 31st December 2017 | Posted By: kasim kzm

ചാവക്കാട്: അകലാട് ഹോട്ടലിനു നേരെ ആക്രമണം നടത്തിയ സംഭവത്തില്‍ യഥാര്‍ഥ പ്രതികള്‍ പോലിസ് പിടിയില്‍.  അകലാട് മുഹയുദ്ദീന്‍ പള്ളിക്ക് വടക്ക് മന്ദലാംകുന്ന് ഖാദറിന്റെ ഉടമസ്ഥതയിലുള്ള സുല്‍ത്താന്‍ ഹോട്ടലിനു നേരെ ആക്രമണം നടത്തിയ സംഭവത്തിലാണ് മലപ്പുറം തിരൂര്‍ സ്വദേശികളായ രേവതി നിവാസില്‍ രാഹുല്‍ (27), കൈത്തോട് വീട്ടില്‍ അനൂപ് (31), മണ്ണാരക്കല്‍ വീട്ടില്‍ പ്രദീപ് (27) എന്നിവരെ ചാവക്കാട് വടക്കേകാട് എസ്‌ഐ അനന്തകൃഷ്ണന്റെ നേതൃത്വത്തിലുള്ള പോലിസ് അറസ്റ്റ് ചെയ്തത്. ആക്രമണം നടത്താന്‍ സംഘം എത്തിയ കാറും കസ്റ്റഡിയിലെടുത്തു. ഡിസംബര്‍ 24ന് പുലര്‍ച്ചെ രണ്ടോടെയാണ് ഹോട്ടലിനു നേരെ ആക്രമണം നടന്നത്. ഹോട്ടലിന്റെ മുന്‍ ഭാഗത്തെ ഗ്ലാസ് ചില്ലുകള്‍ സംഘം അടിച്ചു തകര്‍ക്കുകയായിരുന്നു. ആക്രമണ ദൃശ്യം ഹോട്ടലിലെ സിസിടിവി കാമറയില്‍ പതിഞ്ഞിരുന്നു. തുടര്‍ന്ന് അന്വേഷണം നടത്തുന്നതിനിടെ പോലിസ് കോഴിക്കോട് റോയല്‍ ട്രാവല്‍സ് എഫ്‌സി കാലിക്കറ്റ് ഫുട്‌ബോള്‍ ടീം ഗോ ള്‍കീപ്പര്‍ എടവണ്ണ കുന്നുമ്മല്‍ അന്‍ഷിദ് ഖാനെ ചോദ്യം ചെയ്യുന്നതിനായി ഇക്കഴിഞ്ഞ 27ന് വിളിച്ചു വരുത്തി. പോലിസ് ചോദ്യം ചെയ്യലില്‍ തന്നെ നിരപരാധിത്വം ബോധ്യപ്പെടുത്തിയതോടെ അന്‍ഷിദ് ഖാനെ വിട്ടയച്ചു. എന്നാല്‍ അകലാട് ഹോട്ടലിനു നേരെ ആക്രമണം നടത്തിയത് പ്രശസ്ത ഫുട്‌ബോള്‍ ടീം ഗോള്‍ കീപ്പറും സംഘവുമാണെന്ന് ചില പത്രങ്ങളില്‍ വാര്‍ത്ത പ്രത്യക്ഷപ്പെട്ടു. ചിത്രസഹിതം ഈ വാര്‍ത്ത സമൂഹ മാധ്യമങ്ങളില്‍ പ്രചരിച്ചു. ഇതോടെ അന്‍ഷിദ് ഖാന്റെ വിവാഹബന്ധം മുടങ്ങി. അതേ സമയം അ ന്‍ഷിദ് ഖാനും സംഘവുമാണ് ആക്രമണം നടത്തിയതെന്ന വിധത്തില്‍ ചില മാധ്യമങ്ങളില്‍ വാര്‍ത്ത പ്രത്യക്ഷപ്പെട്ടത് പോലിസ് അറിവോടെയല്ലെന്ന് ചാവക്കാട് സിഐ കെ ജി സുരേഷ് പറഞ്ഞു. നേരത്തെ ഭക്ഷണ കഴിച്ചത് സംബന്ധിച്ച് ഹോട്ടല്‍ ജീവനക്കാരുമായുണ്ടായ തര്‍ക്കമാണ് ആക്രമണത്തിനു കാരണം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss