|    Nov 17 Sat, 2018 3:34 am
FLASH NEWS

ഹോട്ടലില്‍ തീപ്പിടിത്തം; ലക്ഷങ്ങളുടെ നഷ്ടം

Published : 2nd July 2018 | Posted By: kasim kzm

കഴക്കൂട്ടം: ടെക്‌നോപാര്‍ക്കിന് സമീപം ദേശീയപാത ആറ്റിന്‍കുഴിയില്‍ ബൈപാസ് റോഡിന് അരികില്‍ പ്രവര്‍ത്തിക്കുന്ന ഹോട്ടലില്‍ തീപ്പിടിത്തം. ഹോട്ടലിന്റെ രണ്ടാം നിലയിലാണ് തീപ്പിടിത്തമുണ്ടായത്. കംപ്യൂട്ടറും എസി യൂനിറ്റും ഫര്‍ണീച്ചറുകളും കത്തിനശിച്ചു.
ഇന്നലെ രാവിലെ 10 ഓടെയാണ് സംഭവം. കെട്ടിടത്തിന്റെ ഉള്ളില്‍ നിന്നു തീയും പുകയും ഉയരുന്നതുകണ്ട് സമീപത്തുള്ളവരാണ് ഫയര്‍ഫോഴ്‌സിനെ അറിയിച്ചത്. കഴക്കൂട്ടം, ചാക്ക ഫയര്‍ഫോഴ്‌സ് എത്തി ഒരു മണിക്കൂര്‍ കൊണ്ടാണ് തീയണച്ചത്. ഞയറാഴ്ച ഹോട്ടല്‍ അവധി ആയതിനാല്‍ ജീവനക്കാരാരുമില്ലായിരുന്നു.
തിരുവനന്തപുരം സ്വദേശി ഫൈസിന്റെ ഉടമസ്ഥതയിലുള്ള ടേ വന്‍ കഫേ എന്ന ഹോട്ടലാണ് അഗ്‌നിക്കിരയായത്. ഷോട്ട് സര്‍ക്യൂട്ട് കാരണമാണ് തീപ്പിടിത്തമുണ്ടായതെന്ന് പോലിസ് അറിയിച്ചു. ലക്ഷങ്ങളുടെ നഷ്ടമുണ്ടെന്ന് കഴക്കൂട്ടം പോലിസ് പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss