|    Nov 18 Sun, 2018 5:01 am
FLASH NEWS

ഹോട്ടലില്‍ കഞ്ചാവ് വില്‍പന; ഉടമ അറസ്റ്റില്‍

Published : 28th April 2018 | Posted By: kasim kzm

താമരശ്ശേരി: ഹോട്ടലിന്റെ മറവില്‍ കഞ്ചാവ് വില്‍പ്പന നടത്തിയയാളെ എക്‌സൈസ് സംഘം അറസ്റ്റ് ചെയ്തു. കട്ടിപ്പാറ പൂലോട് ചക്കിട്ടമ്മല്‍ ഹുസ്സൈന്‍(55) ആണ് പിടിയിലായത്.
125 ഗ്രാം കഞ്ചാവ് ഇയാളില്‍ നിന്നും പിടിച്ചെടുത്തു. കാരാടി പതിനെട്ടാം മൈലില്‍ പുതുതായി ആരംഭിച്ച സിയാന്‍ ഹോട്ടലില്‍ കഞ്ചാവ് വില്‍പ്പന നടക്കുന്നുവെന്ന രഹസ്യവിവരത്തെ തുടര്‍ന്ന് താമരശ്ശേരി എക്‌സൈസ് ഇന്‍സ്‌പെക്ടര്‍ വി ജി കുര്യാക്കോസ്, അസി. എക്‌സൈസ് ഇന്‍സ്‌പെക്ടര്‍ സദാനന്ദന്‍, പ്രിവന്റീവ് ഓഫീസര്‍ സജീവ്, സിവില്‍ എക്‌സൈസ് ഓഫീസര്‍മാരായ സുരേഷ് ബാബു, നൗഫല്‍ എന്നിവരടങ്ങിയ സംഘം നടത്തിയ പരിശോധനയിലാണ് കഞ്ചാവ് പിടികൂടിയത്.
നേരത്തെ വയനാട്ടില്‍ കഞ്ചാവുമായി പിടിയിലായി റിമാന്റിലായിരുന്ന ഇയാള്‍ ജാമ്യത്തില്‍ ഇറങ്ങി താമരശ്ശേരിയില്‍ ഹോട്ടല്‍ ആരംഭിക്കുകയായിരുന്നുവെന്ന് എക്‌സൈസ് ഇന്‍സ്‌പെക്ടര്‍ പറഞ്ഞു. പ്രതിയെ ഇന്ന് താമരശ്ശേരി കോടതിയില്‍ ഹാജരാക്കും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss