|    Mar 24 Fri, 2017 3:37 pm
FLASH NEWS

ഹൈസ്‌കൂളായി ഉയര്‍ത്തിയ ശേഷം രണ്ടാം തവണയും ജവഹര്‍ കോളനി സ്‌കൂളിന് നൂറുമേനി

Published : 28th April 2016 | Posted By: SMR

കെ മുഹമ്മദ് റാഫി

പാലോട്: അധികൃതരുടെ അവഗണനയ്ക്ക് മധുരപ്രതികാരം. വീട്ടില്‍ ജവഹര്‍ കോളനി ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ ഇത്തവണ പരീക്ഷ എഴുതിയ 59 പേരും വിജയിച്ച് രണ്ടു തവണയും നൂറുമേനി വിജയം കൈവരിച്ചിരിക്കുന്നത്. ഇവിടത്തെ കുട്ടികള്‍ യുപി സ്‌കൂളിനെ ഹൈസ്‌കൂളാക്കാനും പഠനനിലവാരം മെച്ചപ്പെടുത്താനും അധ്യാപകരും പിടിഎ അധികൃതരും വളരെ കഷ്ടപ്പെട്ടെങ്കിലും അധികൃതര്‍ കനിഞ്ഞില്ല. അവസാനം രണ്ടു വര്‍ഷം മുമ്പ് ഹൈസ്‌കൂളാക്കി ഉയര്‍ത്തുകയായിരുന്നു.
കോളനിയിലടക്കമുള്ള നിര്‍ധനരായ കുട്ടികളാണ് ഇവിടെ പഠിച്ചുവന്നിരുന്നത്. ഹൈസ്‌കൂളാക്കി ഉയര്‍ത്തിയതോടെ പത്താം ക്ലാസ് കുട്ടികള്‍ക്ക് രാത്രികാല പ്രത്യേക ക്ലാസ്, പരീക്ഷ അഭിമുഖീകരിക്കാന്‍ മാനസിക കൗണ്‍സലിങ് തുടങ്ങി വിവിധ പരിപാടികളുമായി അധ്യാപകരും പിടിഎ കമ്മിറ്റിയും ഉണര്‍ന്നു പ്രവര്‍ത്തിച്ചു.
ഇതിന്റെ ഫലമായി കഴിഞ്ഞ തവണ പരീക്ഷ എഴുതിയ 39 കുട്ടികളും വിജയിച്ചു. ഇത്തവണയും നൂറു ശതമാനം വിജയം കൊയ്ത സന്തോഷത്തിലാണ് നാട്ടുകാര്‍.

(Visited 33 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക