|    May 25 Thu, 2017 1:14 am
FLASH NEWS

ഹൈദരാബാദ് യൂനിവേഴ്‌സിറ്റി: സമരക്കാര്‍ക്ക് നിയമസഹായവുമായി എന്‍സിഎച്ച്ആര്‍ഒ

Published : 2nd April 2016 | Posted By: SMR

ഹൈദരാബാദ്: ഹൈദരാബാദ് സെന്‍ട്രല്‍ യൂനിവേഴ്‌സിറ്റിയിലെ വിദ്യാര്‍ഥികള്‍ക്കും അധ്യാപകര്‍ക്കും ജാമ്യം ലഭിക്കുന്നതിനു വേണ്ട രേഖകള്‍ തയ്യാറാക്കുന്നതിനും അഭിഭാഷകരെ ഏര്‍പ്പെടുത്തുന്നതിനും ദേശീയ മനുഷ്യാവകാശ ഏകോപന സമിതി(എന്‍സിഎച്ച്ആര്‍ഒ) എല്ലാ സഹായവും ചെയ്തുവെന്ന് സമിതിയുടെ തെലങ്കാന ചാപ്റ്റര്‍ പ്രസിഡന്റ് മുഹമ്മദ് ആബിദ് അറിയിച്ചു.
ജാമ്യം ലഭിക്കുന്നതിന് കോടതിയില്‍ ഹാജരാക്കേണ്ട രേഖകള്‍ പ്രഗല്ഭ അഭിഭാഷകരായ രഘുനാഥ്, ഭീംറാവു, ശക്കീല്‍ അഹ്മദ് എന്നിവര്‍ക്ക് സമിതിയുടെ പ്രവര്‍ത്തകരാണ് മൂന്നു ദിവസത്തെ കഠിന പരിശ്രമത്തിലൂടെ സമാഹരിച്ചത്.
സമരം ചെയ്യുന്ന വിദ്യാര്‍ഥികളോട് ഐക്യദാര്‍ഢ്യം പ്രഖ്യാപിച്ച് സമിതി ദേശീയാധ്യക്ഷന്‍ പ്രഫ. എ മാര്‍ക്‌സും സംഘവും ദിവസങ്ങളോളം കാംപസില്‍ ചെലവഴിച്ചിരുന്നു. വിദ്യാര്‍ഥികള്‍ക്കും അധ്യാപകര്‍ക്കും എന്‍സിഎച്ച്ആര്‍ഒ തുടര്‍ന്നും നിയമസഹായം നല്‍കുമെന്നും മുഹമ്മദ് ആബിദ് പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day