|    Aug 16 Thu, 2018 3:40 am
FLASH NEWS
Home   >  National   >  

ഹൈദരാബാദില്‍ കോണ്‍ഗ്രസില്‍ പൊട്ടിത്തെറി; മുതിര്‍ന്ന പാര്‍ട്ടി നേതാവ് രാജിവെച്ചു

Published : 23rd June 2018 | Posted By: Jasmi JMI


ഹൈദരാബാദ്: ഹൈദരാബാദില്‍ മുതിര്‍ന്ന കോണ്‍ഗ്രസ് നേതാവ് പാര്‍ട്ടിയില്‍ നിന്നും രാജിവെച്ചു. മുന്‍ മന്ത്രിയും ഗ്രേറ്റര്‍ ഹൈദരാബാദ് കോണ്‍ഗ്രസ് കമ്മിറ്റി മുന്‍ പ്രസിഡന്റുമായ ധനം നാഗേന്ദരാണ് രാജിവെച്ചത്. ലോക്‌സഭ തെരഞ്ഞെടുപ്പ് ലക്ഷ്യമിട്ട് തെലുങ്കാനയില്‍ പ്രവര്‍ത്തനം ശക്തമാക്കാന്‍ ലക്ഷ്യമിടുന്ന കോണ്‍ഗ്രസിന് വന്‍ തിരിച്ചടിയാണ് മുതിര്‍ന്ന നേതാവിന്റെ രാജി. ഇദ്ദേഹത്തൊടൊപ്പം മറ്റു നേതാക്കളും കോണ്‍ഗ്രസില്‍ നിന്നും രാജിവെയ്ക്കാന്‍ ഒരുങ്ങുന്നതായാണ് റിപ്പോര്‍ട്ടുകള്‍.
കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയ്ക്കും തെലുങ്കാന കോണ്‍ഗ്രസ് അധ്യക്ഷനും ധനം നാഗേന്ദര്‍ രാജിക്കത്തയച്ചു.കോണ്‍ഗ്രസിനകത്തുളള അഭിപ്രായഭിന്നതയാണ് രാജിയില്‍ കലാശിച്ചതെന്നാണ് റിപ്പോര്‍ട്ടുകള്‍. മുന്‍ കോണ്‍ഗ്രസ് മുഖ്യമന്ത്രി വൈ എസ് രാജശേഖര്‍ റെഡ്ഡിയുടെ അടുത്ത അനുയായി ആയിരുന്നു ധനം നാഗേന്ദര്‍.
ധനം നാഗേന്ദരുടെ പാത പിന്തുടര്‍ന്ന് മുന്‍ മന്ത്രിയും മുതിര്‍ന്ന കോണ്‍ഗ്രസ് നേതാവുമായ എം മുകേഷും മകനും പാര്‍ട്ടി വിടാന്‍ ഒരുങ്ങുന്നതായാണ് വിവരം. തെലുങ്കാന രാഷ്ട്രീയ സമിതിയില്‍ ചേരാനാണ് ഇവര്‍ തയ്യാറെടുക്കുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss