|    Jun 20 Wed, 2018 6:59 pm
FLASH NEWS
Home   >  Todays Paper  >  Page 4  >  

ഹൈക്കോടതി ഉത്തരവ് പരിഗണിക്കാതെ നടപടിയെടുത്ത ജഡ്ജിക്ക് താക്കീത്

Published : 12th May 2017 | Posted By: fsq

 

കൊച്ചി: ജീവനാംശം തേടിയുള്ള കേസില്‍ ഹൈക്കോടതിയുടെ ഇടക്കാല ഉത്തരവു പരിഗണിക്കാതെ നടപടിയെടുത്ത എറണാകുളം കുടുംബകോടതി ജഡ്ജിക്ക് താക്കീത്. എറണാകുളം എളമക്കര സ്വദേശി സി എ ദീജുവിന്റെ കേസിലാണ് എറണാകുളം കുടുംബകോടതി ജഡ്ജി ബി വിജയനെ ഹൈക്കോടതി സിംഗിള്‍ബെഞ്ച് താക്കീത് ചെയ്തത്. ഹരജിക്കാരന്‍ ഭാര്യക്ക് പ്രതിമാസം 15,000 രൂപ ജീവനാംശം നല്‍കാന്‍ കുടുംബകോടതി നേരത്തെ ഉത്തരവിട്ടിരുന്നു.ഇതിനെതിരേ ദീജു നല്‍കിയ ഹരജിയില്‍ 2,60,000 രൂപ കെട്ടിവയ്ക്കണമെന്ന നിബന്ധനയോടെ കുടുംബകോടതി ഉത്തരവ് ഹൈക്കോടതി സ്റ്റേ ചെയ്തു. രണ്ടു ഗഡുക്കളായി 1.80 ലക്ഷം രൂപ കെട്ടിവച്ചു. പിന്നീട് ഹരജിക്കാരന്റെ അപേക്ഷയില്‍ ശേഷിച്ച 80,000 രൂപ കെട്ടിവെക്കാന്‍ കഴിഞ്ഞ ഫെബ്രുവരിയില്‍ മൂന്നു മാസത്തെ സമയം കൂടി ഹൈക്കോടതി അനുവദിച്ചു. ഇക്കാര്യം ഫെബ്രുവരി 28നു കേസ് പരിഗണിച്ച കുടുംബകോടതിയില്‍ ദീജു അറിയിച്ചെങ്കിലും ഇതു വകവെക്കാതെ കോടതി അറസ്റ്റ് വാറന്റ് പുറപ്പെടുവിച്ചു. അറസ്റ്റ് വാറന്റ് തടയണമെന്നാവശ്യപ്പെട്ട് ദീജു ഹൈക്കോടതിയെ സമീപിച്ചപ്പോള്‍ സിംഗിള്‍ബെഞ്ച് കുടുംബകോടതി ജഡ്ജിയോട് വിശദീകരണം തേടി. ജഡ്ജി രണ്ട് വിശദീകരണങ്ങള്‍ നല്‍കിയെങ്കിലും രണ്ടും തൃപ്തികരമല്ലെന്ന് ഹൈക്കോടതി നിരീക്ഷിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss