|    May 23 Wed, 2018 7:08 am
FLASH NEWS

ഹെല്‍പ്പ് ഡെസ്‌ക് സേവനം പ്രയോജനപ്പെടുത്തി നീറ്റ് പരീക്ഷാര്‍ഥികള്‍

Published : 6th May 2018 | Posted By: kasim kzm

കൊച്ചി: മെഡിക്കല്‍ പ്രവേശനത്തിനായുള്ള നീറ്റ് പരീക്ഷയ്‌ക്കെത്തിയ വിദ്യാര്‍ഥികള്‍ക്കായി ജില്ലാ ഭരണകൂടത്തിന്റെ നേതൃത്വത്തില്‍ വിവിധ കേന്ദ്രങ്ങളില്‍ ആരംഭിച്ച ഹെല്‍പ് ഡെസ്‌കുകളുടെ സേവനം പ്രയോജനപ്പെടുത്തിയത് ആയിരത്തിലധികം പേര്‍. സൗത്ത്, നോര്‍ത്ത്, ആലുവ, അങ്കമാലി റെയില്‍വേ സ്‌റ്റേഷനുകള്‍, എറണാകുളം, ആലുവ കെഎസ്ആര്‍ടിസി ബസ് സ്റ്റാന്റുകള്‍, വൈറ്റിലെ മൊബിലിറ്റി ഹബ്ബ് എന്നിവിടങ്ങളിലാണ് ഹെല്‍പ്പ് ഡെസ്‌കുകള്‍ പ്രവര്‍ത്തിക്കുന്നത്.
എല്ലാ കേന്ദ്രങ്ങളിലും രാത്രി വൈകിയും ഹെല്‍പ്പ് ഡെസ്‌ക് സേവനം തുടരുകയാണ്. സൗത്ത് റെയില്‍വേ സ്‌റ്റേഷനില്‍ ഒന്‍പത് മണി വരെയുള്ള കണക്കു പ്രകാരം 13 ട്രെയിനുകളിലായി 250 ലധികം വിദ്യാര്‍ഥികളാണ് ഹെല്‍പ് ഡെസ്‌ക് സഹായം ഉപയോഗിച്ചത്. വിദ്യാര്‍ത്ഥികള്‍ക്ക് എല്ലാ സൗകര്യങ്ങളും ലഭ്യമാകുന്നുവെന്ന് ഉറപ്പാക്കാന്‍ ജില്ലാ കലക്ടര്‍ മുഹമ്മദ് വൈ സഫീറുള്ള വൈകീട്ടും റെയില്‍വേ സ്‌റ്റേഷന്‍ സന്ദര്‍ശിച്ചു.  നാളെ രാവിലെ പരീക്ഷയ്ക്ക് മുന്നേയുള്ള കണ്ണൂര്‍ എക്‌സ്പ്രസ് വരെ ഹെല്‍പ് ഡെസ്‌ക് സംഘം സൗത്ത് റെയില്‍വേ സ്‌റ്റേഷനില്‍ പ്രവര്‍ത്തിക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss