|    May 22 Tue, 2018 3:44 pm
FLASH NEWS

ഹാന്‍വീവില്‍ സിഐടിയു പണിമുടക്ക് സമരം

Published : 16th June 2017 | Posted By: fsq

 

കണ്ണൂര്‍: സിഐടിയു സംസ്ഥാന സെക്രട്ടറിമാരിലൊരാളായ കെ പി സഹദേവന്‍ ചെയര്‍മാനായ ഹാന്‍വീവില്‍ സിഐടിയു പണിമുടക്ക് സമരം. കെഎസ്എച്ച്ഡിസി എംപ്ലോയീസ് യൂനിയന്റെ(സിഐടിയു) നേതൃത്വത്തില്‍ പയ്യാമ്പലത്തെ ഹെഡ് ഓഫിസിനു മുന്നിലെ ഗേറ്റടച്ച് കൊടി നാട്ടിയതിനാല്‍ ജീവനക്കാര്‍ക്ക് അകത്തു പ്രവേശിക്കാനായില്ല. ജോലിക്കെത്തിയ ജീവനക്കാരുടെ പരാതിയെ തുടര്‍ന്ന് മാനേജിങ് ഡയറക്്ടറുടെ നിര്‍ദേശപ്രകാരം പിന്നീട് ഗേറ്റ് തുറക്കുകയായിരുന്നു. പണിമുടക്കിയ ജീവനക്കാര്‍ തുടര്‍ന്ന് ധര്‍ണ നടത്തി. നെയ്ത്ത് തൊഴിലാളികള്‍ക്ക് യഥാസമയം കൂലിയും നൂലും നല്‍കി ജോലിക്കുറവ് പരിഹരിച്ച് ഉല്‍പാദനം വര്‍ധിപ്പിക്കുക, തുണിത്തരങ്ങളുടെ ഗുണനിലവാരം ഉറപ്പാക്കുക, ഷോറൂമുകള്‍ നവീകരിച്ച് വിപണനം വര്‍ധിപ്പിക്കാന്‍ നടപടിയെടുക്കുക, ശമ്പള പരിഷ്‌കരണം മുന്‍കാല പ്രാബല്യത്തോടെ നടപ്പാക്കുക, തുച്ഛ വരുമാനക്കാരായ ജീവനക്കാരുടെ ദീര്‍ഘദൂര ട്രാന്‍സ്ഫറുകള്‍ ഒഴിവാക്കുക തുടങ്ങിയ ആവശ്യങ്ങളുന്നയിച്ചാണ് സമരം. ഐഎന്‍ടിയുസി, എഐടിയുസി, എസ്ടിയു, ടെക്‌നിക്കല്‍ സ്റ്റാഫ് അസോസിയേഷന്‍ തുടങ്ങിയ യൂനിയനുകള്‍ പണിമുടക്കില്‍ നിന്നു വിട്ടുനിന്നു. കെഎസ്എച്ച്ഡിസി എംപ്ലോയീസ് യൂനിയന്റെ(സിഐടിയു) സംസ്ഥാന പ്രസിഡന്റ് ജെയിംസ് മാത്യു എംഎല്‍എ ഉദ്ഘാടനം ചെയ്തു. യൂനിയന്‍ വൈസ് പ്രസിഡന്റ് എം ഗോപകുമാര്‍ അധ്യക്ഷത വഹിച്ചു. സി പി രാജീവ്, എസ് കെ വിനോദ്, ഷീജ, സി കെ മനോജ്, ബി സ്‌കറിയ, ജെയിംസ് കുട്ടി അബ്രഹാം സംസാരിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss