|    Oct 18 Wed, 2017 4:03 am
FLASH NEWS
Home   >  Kerala   >  

ഹാദിയ കേസ്: എന്‍ഐഎ അന്വേഷണത്തിന്റെ ആവശ്യമില്ലെന്ന് സംസ്ഥാനം സുപ്രീംകോടതിയില്‍

Published : 7th October 2017 | Posted By: mi.ptk

ന്യൂഡല്‍ഹി: ഡോ. ഹാദിയ കേസില്‍ എന്‍ഐഎ അന്വേഷിക്കേണ്ട കുറ്റകൃത്യങ്ങളൊന്നും കണ്ടെത്തിയിട്ടില്ലെന്ന് സംസ്ഥാന സര്‍ക്കാര്‍. സുപ്രീംകോടതിയില്‍ സമര്‍പ്പിച്ച സത്യവാങ്മൂലത്തിലാണ് സംസ്ഥാനം ഇക്കാര്യം വ്യക്തമാക്കിയത്. ക്രൈംബ്രാഞ്ച് നടത്തിയത് വസ്തുനിഷ്ഠമായ അന്വേഷണമാണ്.ക്രൈംബ്രാഞ്ച് അന്വേഷണത്തില്‍ ഒരു അസ്വാഭാവികതയും കണ്ടെത്തിയില്ല. എന്‍ഐഎ അന്വേഷണം ആവശ്യമായിരുന്നെങ്കില്‍ നേരത്തെ അറിയിക്കുമായിരുന്നുവെന്നും സംസ്ഥാനം സമര്‍പ്പിച്ച സത്യവാങ്മൂലത്തില്‍ പറഞ്ഞു.
ഹാദിയയുടെ സംരക്ഷണാവകാശം പിതാവിന് മാത്രമല്ലെന്ന് നേരത്തെ സുപ്രിംകോടതി വ്യക്തമാക്കിയിരുന്നു. 24 വയസ്സുള്ള യുവതിയെ അടച്ചിടാന്‍ ആര്‍ക്കും അധികാരം ഇല്ല. ഹാദിയക്ക് സ്വയം തീരുമാനമെടുക്കാനുള്ള അവകാശമുണ്ട്. വിവാഹം റദ്ദാക്കാനുള്ള അധികാരം ഹൈക്കോടതിക്കുണ്ടോയെന്നതും എന്‍ഐഎ അന്വേഷണം ആവശ്യമാണോ എന്നതും പരിശോധിക്കുമെന്നും കഴിഞ്ഞ ദിവസം സുപ്രിംകോടതി പറഞ്ഞിരുന്നു. 24 വയസ്സുള്ള ഹാദിയയെ വീടിനകത്ത് അടച്ചിടാന്‍ അധികാരമില്ലെന്നായിരുന്നു ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ച് വ്യക്തമാക്കിയത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക