|    Nov 20 Mon, 2017 9:04 pm
FLASH NEWS
Home   >  Todays Paper  >  Page 5  >  

‘ഹാദിയയെ തടങ്കലിലാക്കിയത് സര്‍ക്കാരും സംഘപരിവാരവും’

Published : 9th November 2017 | Posted By: fsq

 

കോഴിക്കോട്: ഹാദിയയെ വീട്ടുതടങ്കലിലാക്കിയത് സംസ്ഥാന സര്‍ക്കാരും സംഘപരിവാരവും ചേര്‍ന്നെന്ന് വെല്‍ഫെയര്‍ പാര്‍ട്ടി സംസ്ഥാന പ്രസിഡന്റ് ഹമീദ് വാണിയമ്പലം വാര്‍ത്താസമ്മേളനത്തില്‍ ആരോപിച്ചു. ദേശീയ വനിതാ കമ്മീഷന്റെ സന്ദര്‍ശനം ഇക്കാര്യം വ്യക്തമാക്കുന്നു. കേരളത്തിലെ വനിതാ കമ്മീഷനോ മനുഷ്യാവകാശ കമ്മീഷനോ ഹാദിയയുടെ ജീവനു ഭീഷണിയുണ്ടെന്നറിഞ്ഞിട്ടും ഇതുവരെ സന്ദര്‍ശിക്കാത്തതും അതുകൊണ്ടാണ്. ഭരണകക്ഷി അംഗംകൂടിയായ എംഎല്‍എ സി കെ ആശ സ്വന്തം മണ്ഡലത്തിലെ ഒരു സ്ത്രീ നേരിടുന്ന പ്രശ്‌നങ്ങള്‍ നേരില്‍ കാണാനോ വിലയിരുത്താനോ തയ്യാറായില്ല. യോഗാ കേന്ദ്രത്തിലെ പീഡകരായി ആരോപിക്കപ്പെട്ടവരെയാണ് ദേശീയ വനിതാ കമ്മീഷന്‍ ആദ്യം സന്ദര്‍ശിച്ചത് എന്നതും അവരുടെ ഉദ്ദേശ്യശുദ്ധി വ്യക്തമാക്കുന്നു. വാര്‍ത്താസമ്മേളനത്തില്‍ അസ്‌ലം ചെറുവാടി, പി സി ഭാസ്‌കരന്‍, മുസ്തഫ പാലാഴി പങ്കെടുത്തു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക