|    Apr 24 Tue, 2018 8:59 am
FLASH NEWS

ഹര്‍ത്താല്‍ വിജയിപ്പിക്കും: ദലിത് സംഘടനാ സംയുക്തയോഗം

Published : 8th April 2018 | Posted By: kasim kzm

തൊടുപുഴ: ഹോട്ടല്‍, വ്യാപാരി, ബസ് ഉടമ സംഘടനകളുടെ നിസഹകരണ പ്രഖ്യാപനത്തെ അവഗണിച്ച് നാളത്തെ ഹര്‍ത്താല്‍ ശക്തമാക്കാന്‍ വിവിധ ദലിത് സംഘടനകളുടെ സംയുക്തയോഗം തീരുമാനിച്ചു. തൊടുപുഴയില്‍ ചേര്‍ന്ന സിഎസ്ഡിഎസ്, ദലിത് ഐക്യസമിതി, കെഡിപി, എന്‍ജെപി, ബിഎസ്പി, കെപിയുഎസ്എസ്, കെഎഎസ്, ചേരമര്‍ സംഘം, എസ്എല്‍എഫ്, എസ്എംഎസ് എന്നീ സംഘടനകളുടെ നേതൃയോഗമാണ് ഹര്‍ത്താല്‍ വിജയിപ്പിക്കാന്‍ തീരുമാനിച്ചത്. രാജ്യത്തിന്റെ പുരോഗതിക്കും വികസനത്തിനും വേണ്ടി വിയര്‍പ്പൊഴുക്കുന്നവരാണ് ദലിതര്‍. വ്യാപാരി വ്യവസായി, ബസ് ഓണേഴ്‌സ് അസോസിയേഷനും ദലിത് സമരത്തെ  അധിക്ഷേപിക്കുന്നത് അപകടകരമായിരിക്കുമെന്നും നേതാക്കള്‍ മുന്നറിയിപ്പ് നല്‍കി. ആധുനിക ജാതിബോധത്തില്‍ നിന്നുടലെടുക്കുന്ന ഇത്തരം തീരുമാനങ്ങള്‍ക്കെതിരേ ആത്മാഭിമാനികളായ മുഴുവന്‍ ദലിതരും രംഗത്തുവരുമെന്നും ദലിത് ഐക്യസമതി നേതാക്കള്‍ പ്രസ്താവനയില്‍ അറിയിച്ചു. ദലിതര്‍ പ്രഖ്യാപിക്കുന്ന ഹര്‍ത്താലിനോടുള്ള സവര്‍ണ ധാര്‍ഷ്ഠ്യത്തെ പരാജയപ്പെടുത്താന്‍ ഒറ്റക്കെട്ടായി അണിചേരുമെന്ന് ദളിത് ഐക്യസമിതി സംസ്ഥാന പ്രസിഡന്റ് കെ കെ ജിന്‍ഷുവും കേരള ദലിത് പാന്തേഴ്‌സ് ജില്ലാ പ്രസിഡന്റ് സജി നെല്ലാനിക്കാട്ടും അറിയിച്ചു. നാളത്തെ ഹര്‍ത്താലിനെ അനുകൂലിക്കുന്നതായി അഖില തിരുവിതാംകൂര്‍ മല അരയ മഹാസഭ  പ്രസിഡന്റ് സി കെ ശശിധരന്‍ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss