|    Aug 19 Sun, 2018 5:58 am
FLASH NEWS
Home   >  Todays Paper  >  page 7  >  

ഹരിയാന സര്‍ക്കാരിന്റ മാഗസിന്‍ വിവാദമാവുന്നു

Published : 29th June 2017 | Posted By: fsq

 

ചണ്ഡീഗഡ്: മുഖം മറച്ച സ്ത്രീകള്‍ സംസ്ഥാനത്തെ മുഖമുദ്രയെന്ന് രേഖപ്പെടുത്തിക്കൊണ്ടുള്ള ഹരിയാന സര്‍ക്കാരിന്റെ മാഗസിന്‍ കവര്‍ വിവാദമാവുന്നു. സര്‍ക്കാര്‍ കര്‍ഷകര്‍ക്കായി പുറത്തിറക്കിയ കൃഷി സംവാദ് എന്ന മാഗസിന്‍ കവറാണ് വിവാദം സൃഷ്ടിക്കുന്നത്. ഇതിലൂടെ പ്രതിഫലിക്കുന്നത് ബിജെപി സര്‍ക്കാരിന്റെ പിന്‍തിരിപ്പന്‍ മനോഭാവമാണെന്ന് പ്രതിപക്ഷം ആരോപിച്ചു.2017 മാര്‍ച്ചില്‍ പ്രസിദ്ധീകരിച്ച മാഗസിന്റെ കവര്‍ചിത്രം തലയില്‍ കാലിത്തീറ്റയുമായി നില്‍ക്കുന്ന മുഖം പൂര്‍ണമായും മറച്ച സ്ത്രീയുടേതാണ്. സ്്ത്രീകളുടെ മുഖപടം ഹരിയാനയുടെ അഭിമാനം എന്ന അടിക്കുറിപ്പാണ് നല്‍കിയിരിക്കുന്നത്.ബിജെപിയുടെ മനോഭാവമാണ് ഇതിലൂടെ വ്യക്തമാക്കുന്നതെന്ന് മുന്‍ മുഖ്യമന്ത്രി ഭൂപിന്ദര്‍ സിങ് ഹൂഡ, മുതിര്‍ന്ന കോണ്‍ഗ്രസ് നേതാവ് രണ്‍ദീപ് സുര്‍ജെവാല എന്നിവര്‍ പറഞ്ഞു. ഹരിയാനയിലെ സ്ത്രീകള്‍ എല്ലാ മേഖലകളിലും മുന്നിട്ടുനില്‍ക്കുന്നവരാണ്. കഴിഞ്ഞ ദിവസം മിസ് ഇന്ത്യ കിരീടം നേടിയതും ഹരിയാനക്കാരിയാണ്. കല്‍പന ചൗള, ഗീതാ ഫോര്‍ട്ട് എന്നിവരൊക്കെ ഹരിയാനയുടെ അഭിമാനമാണെന്നും സുര്‍ജെവാല പറഞ്ഞു.സ്ത്രീകള്‍ മുഖപടം ഉപയോഗിക്കുന്നത് ഹരിയാനയുടെ സംസ്‌കാരമല്ല, വിദേശികള്‍ ഇന്ത്യയില്‍ എത്തിയതിന് ശേഷമാണ് ഇത് ആരംഭിച്ചത് അദ്ദേഹം പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss