|    Sep 21 Fri, 2018 10:55 pm
FLASH NEWS
Home   >  Todays Paper  >  page 10  >  

ഹരിത കേരളം മിഷന്‍ വാര്‍ഷിക റിപോര്‍ട്ട് മുഖ്യമന്ത്രിക്ക് സമര്‍പ്പിച്ചു

Published : 7th February 2018 | Posted By: kasim kzm

തിരുവനന്തപുരം: ഹരിത കേരളം മിഷന്റെ ഒന്നാം വാര്‍ഷിക റിപോര്‍ട്ട് മുഖ്യമന്ത്രി പിണറായി വിജയന് സമര്‍പ്പിച്ചു. ഹരിത കേരളം മിഷന്‍ എക്‌സിക്യൂട്ടീവ് വൈസ് ചെയര്‍പേഴ്‌സണ്‍ ഡോ. ടി എന്‍ സീമ മുഖ്യമന്ത്രിയുടെ ഓഫിസില്‍ വച്ചാണ് റിപോര്‍ട്ട് കൈമാറിയത്. നീരൊഴുക്ക് നിലച്ച വരട്ടാര്‍ നദിയെ പുനരുജ്ജീവിപ്പിച്ചു, കോലറയാര്‍-കുട്ടമ്പേരൂര്‍പുഴ-വലിയതോട്-പള്ളിക്കലാര്‍-കാനാമ്പുഴ എന്നീ നദികള്‍ ശുചീകരിച്ചു, മീനച്ചിലാര്‍-മീനന്തലയാര്‍-കൊട്ടൂരാര്‍ പുനസ്സംയോജനം സാധ്യമാക്കി, 2466 കി.മീ. തോടുകള്‍ വൃത്തിയാക്കി, 1391 കിമീ പുനരുജ്ജീവിപ്പിച്ചു, 1480 കിമീ കനാലുകള്‍ ശുചിയാക്കി, 16,665 കിണറുകളുടെ റീചാര്‍ജിങ്, 3,900 കുളങ്ങളുടെ നവീകരണം, 10,399 കിണറുകളുടെ നിര്‍മാണം, 1,47,239 ഏക്കര്‍ വൃഷ്ടിപ്രദേശ പരിപാലനം പൂര്‍ത്തീകരിച്ചു, തരിശുനിലം കൃഷിയോഗ്യമാക്കിയതുള്‍പ്പെടെ 30,000 ഏക്കറില്‍ അധിക നെല്‍കൃഷി, 1194 ഏക്കര്‍ തരിശുഭൂമിയില്‍ പച്ചക്കറി കൃഷി വ്യാപിപ്പിച്ചു തുടങ്ങിയ കാര്യങ്ങളാണ് ഒരു വര്‍ഷത്തെ പ്രധാന നേട്ടങ്ങളായി റിപോര്‍ട്ടില്‍ എടുത്തുപറഞ്ഞിട്ടുള്ളത്. 400 ടണ്ണിലധികം ഇ-മാലിന്യവും 200 ടണ്ണിലധികം പ്ലാസ്റ്റിക് മാലിന്യവും അധികമായി പുനചംക്രമണത്തിനു കൈമാറി. 50 കിലോമീറ്റര്‍ റോഡ് ടാറിങിനു സംസ്‌കരിച്ച പ്ലാസ്റ്റിക് മാലിന്യം ഉപയോഗിച്ചു, 90,563 പ്രൊജക്ടുകള്‍ക്ക് വിവിധ തദ്ദേശ ഭരണസ്ഥാപനങ്ങള്‍ രൂപം നല്‍കി. ഇതിനായി 624.36 കോടി രൂപ നീക്കിവച്ചതായും റിപോര്‍ട്ടില്‍ പറയുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss