|    Jul 23 Sun, 2017 12:19 pm
FLASH NEWS

ഹരിതാമൃതം 2016 എക്‌സിബിഷന്‍ ഉദ്ഘാടനം ചെയ്തു

Published : 12th February 2016 | Posted By: SMR

വടകര: ഹരിതാമൃതം പരിസ്ഥി തി സൗഹാര്‍ദ്ദ ജൈവ എക്‌സിബിഷന്‍ ഉദ്ഘാടനം ചെയ്തു. ഇന്നലെ വൈകീട്ട് 3 മണിക്ക് വടകര ടൗണ്‍ഹാളില്‍ നടന്ന ചടങ്ങില്‍ കാഞ്ചനമാല ഉദ്ഘാടനം നിര്‍വഹിച്ചു. കാക്കുക മണ്ണിന്റെ പുണ്യം എന്ന മുദ്രാക്യമുയര്‍ത്തിയാണ് വടകര മഹാത്മ ദേശസേവാ ട്രസ്റ്റ്, കേരള ജൈവ കര്‍ഷക സമിതി, ഗുരുകുല വൈദ്യ സമാജം-കേരളം, തപോവനം-കൊച്ചി എന്നിവയുടെ സഹകരണത്തോടെ ഇത്തവണ ഹരിതാമൃതം സംഘടിപ്പിക്കുന്നത്.
വിവിധ സ്ഥാപനങ്ങളുടെ ഇരുപതോളം പവലിയനുകളും ഹരിതാമൃതത്തിന്റെ ഭാഗമായി ഒരുക്കിയിട്ടുണ്ട്. മൈഗ്രേന്‍, സൈനസൈറ്റിസ് തുടങ്ങിയ അസുഖങ്ങള്‍ക്ക് തപോവനം കൊച്ചി ഡയറക്ടര്‍ മഹേഷ് മങ്ങാടിന്റെ തലവേദന നിവാരണ ക്യാം പും ഇതിനോടൊപ്പം സംഘടിപ്പിച്ചിട്ടുണ്ട്. ചടങ്ങില്‍ ഹരിതാമൃതം ചെയര്‍മാന്‍ പി പി ദാമോദരന്‍ നായര്‍ അധ്യക്ഷത വഹിച്ചു. പി ബാലന്‍, എടയത്ത് ശ്രീധരന്‍, മനയത്ത് ചന്ദ്രന്‍, നഗരസഭ വൈസ് ചെയര്‍മാന്‍ കെ പി ബിന്ദു, പുറന്തേടത്ത് ഗംഗാധരന്‍, അന്നാമ്മ ദേവസ്യ, ടി ശ്രീനിവാസന്‍ സംസാരിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക