|    Jan 22 Mon, 2018 5:58 pm
FLASH NEWS
Home   >  Todays Paper  >  page 10  >  

ഹരിതകീര്‍ത്തി അവാര്‍ഡ്‌ : കെ എം ജോസഫ് മികച്ച കര്‍ഷകന്‍ ; പത്തനംതിട്ട മികച്ച ജില്ല

Published : 8th October 2017 | Posted By: fsq

 

പത്തനംതിട്ട: സംസ്ഥാനതലത്തില്‍ മികച്ച കര്‍ഷകര്‍ക്കുള്ള കൃഷിവകുപ്പിന്റെ ഹരിതകീര്‍ത്തി അവാര്‍ഡിന് എറണാകുളം ജില്ലയിലെ കെ എം ജോസഫ് അര്‍ഹനായി. മികച്ച ജില്ലയ്ക്കുള്ള പുരസ്‌കാരം പത്തനംതിട്ടയ്ക്കു ലഭിച്ചു. മികച്ച ഐആര്‍ജി ജില്ലയ്ക്കുള്ള പുരസ്‌കാരം എറണാകുളത്തിനും മികച്ച സ്വാശ്രയ കര്‍ഷക സമിതിക്കുള്ള പുരസ്‌കാരം കൊല്ലം ജില്ലയിലെ അഞ്ചല്‍ എസ്‌കെഎസിനും ലഭിച്ചു. ജില്ലയും മികച്ച കര്‍ഷകരും: പാലക്കാട്: എം സി ബേബി, പത്തനംതിട്ട: എന്‍ എസ് അനിരുദ്ധന്‍, ഇടുക്കി: ബിനോയ് ജോര്‍ജ്, ആലപ്പുഴ: ചാണ്ടി ആന്ത്രപ്പേര്‍, മലപ്പുറം: കെ ഉമ്മന്‍, കോഴിക്കോട്: കെ ഷാനവാസ്, വയനാട്: സി ജി മാനുവല്‍, കണ്ണൂര്‍: പി വി രതീശന്‍, കോട്ടയം:  ജോസഫ് ജോസഫ് കുരുക്കാന്‍കുഴിയില്‍, തൃശൂര്‍: രാജന്‍ നാരായണന്‍, കാസര്‍കോട്: വി ബാലകൃഷ്ണന്‍, കൊല്ലം: എന്‍ എസ് സജി, തിരുവനന്തപുരം: ടി മണിയന്‍. മികച്ച ജില്ലകളില്‍ രണ്ടാംസ്ഥാനം പാലക്കാടും മൂന്നാംസ്ഥാനം കോട്ടയവും നേടി. മികച്ച ഐആര്‍ജി ജില്ലകളില്‍ രണ്ടാംസ്ഥാനം ആലപ്പുഴയും മൂന്നാംസ്ഥാനം തൃശൂരും നേടി. മികച്ച സ്വാശ്രയ കര്‍ഷക സമിതികളില്‍ രണ്ടാംസ്ഥാനം തൃശൂരിലെ ആലൂര്‍ എസ്‌കെഎസും മൂന്നാംസ്ഥാനം എറണാകുളത്തെ കൂവപ്പടി എസ്‌കെഎസും നേടി. തിരുവല്ലയില്‍ നടന്ന ചടങ്ങില്‍ മന്ത്രി വിഎസ് സുനില്‍കുമാര്‍ പുരസ്‌കാരങ്ങള്‍ സമ്മാനിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day