|    May 24 Wed, 2017 9:18 pm
FLASH NEWS

ഹമാസിനെതിരേ ഇസ്രായേല്‍ റോക്കറ്റാക്രമണം

Published : 3rd January 2016 | Posted By: SMR

തെല്‍അവീവ്: ഹമാസ് കേന്ദ്രങ്ങളെ ലക്ഷ്യമിട്ട് ഗസാ മുനമ്പിനു നേരെ ഇസ്രായേലിന്റെ റോക്കറ്റാക്രമണം. ആക്രമണത്തില്‍ നാശനഷ്ടമുണ്ടായില്ലെന്നും ആര്‍ക്കും പരിക്കില്ലെന്നും അല്‍ജസീറ റിപോര്‍ട്ട് ചെയ്തു.
ശനിയാഴ്ച പുലര്‍ച്ചെ ഇസ്രായേല്‍ റോക്കറ്റുകള്‍ പതിച്ച് മണിക്കൂറുകള്‍ക്കകം ഹമാസും ദക്ഷിണ ഇസ്രായേലിനെ ലക്ഷ്യമാക്കി പ്രത്യാക്രമണം നടത്തി. കിഴക്കന്‍ റഫയിലെ ബെയ്ത്ത് ഹാനൂന് സമീപമാണ് ഇസ്രായേല്‍ ആക്രമണം. ഹമാസിന്റെ രണ്ടു സായുധ പരിശീലനകേന്ദ്രങ്ങളെ ലക്ഷ്യമാക്കിയാണ് ആക്രമണം നടത്തിയതെന്ന് ഇസ്രായേല്‍ പ്രതിരോധ വൃത്തങ്ങള്‍ അറിയിച്ചു. ഇതിനു ശേഷമാണ് ഇസ്രായേലിനെ ലക്ഷ്യമിട്ട് ആക്രമണം നടന്നത്. ഇതിലും നാശനഷ്ടങ്ങളൊന്നും റിപോര്‍ട്ട് ചെയ്തിട്ടില്ല. വെള്ളിയാഴ്ച ഗസയില്‍ ഇസ്രായേല്‍ നടത്തിയ വെടിവയ്പില്‍ രണ്ടു ഫലസ്തീനികള്‍ക്കു പരിക്കേറ്റിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day