|    Dec 19 Tue, 2017 12:07 am
FLASH NEWS
Home   >  Todays Paper  >  Page 5  >  

ഹജ്ജ്: നാളെവരെ അപേക്ഷിക്കാം; ആകെ ലഭിച്ചത് 32,108 അപേക്ഷകള്‍

Published : 6th December 2017 | Posted By: kasim kzm

കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ ഹജ്ജിന് അപേക്ഷിക്കാനുള്ള സമയപരിധി നാളെ അവസാനിക്കും. കഴിഞ്ഞ 15ന് ആരംഭിച്ച ഹജ്ജ് അപേക്ഷ സ്വീകരണം ഡിസംബര്‍ 7വരെയാണ് നിശ്ചയിച്ചിട്ടുള്ളത്. ഹജ്ജ് കമ്മിറ്റിക്ക് ഇന്നലെ വരെ 32,108 അപേക്ഷകളാണ് ആകെ ലഭിച്ചത്.
ഇതില്‍ നേരിട്ട് അവസരം ലഭിക്കുമെന്ന് ഉറപ്പായ 70 വയസ്സിന് മുകളില്‍ പ്രായമുള്ളവരുടെ കാറ്റഗറിയില്‍ 756 പേരാണ് അപേക്ഷകരായുള്ളത്. മെഹ്‌റമില്ലാത്ത സ്ത്രീകളുടെ വിഭാഗത്തില്‍ 152 പേരും, ജനറല്‍ വിഭാഗത്തില്‍ 31200 പേരും അപേക്ഷിച്ചിട്ടുണ്ട്. തുടര്‍ച്ചയായ അഞ്ചാം വര്‍ഷക്കാര്‍ക്ക് നേരിട്ട് അവസരം നല്‍കുന്നത് നിര്‍ത്തലാക്കിയതാണ് ഹജ്ജ് അപേക്ഷ കുറയാന്‍ പ്രധാന കാരണം. കൂടുതല്‍ അപേക്ഷകരുണ്ടാവുന്ന സംസ്ഥാനങ്ങളില്‍ തീര്‍ത്ഥാടകര്‍ അഞ്ചാം വര്‍ഷം വരെ അപേക്ഷിച്ചാല്‍ അവസരം ലഭിക്കുമെന്ന പ്രതീക്ഷയിലായിരുന്നു. എന്നാല്‍, പുതിയ ഹജ്ജ് നയത്തില്‍ അഞ്ചാം വര്‍ഷക്കാര്‍ക്ക് നേരിട്ട് അവസരം നല്‍കുന്നത് കേന്ദ്രം നിര്‍ത്തലാക്കി. ഇതിനെതിരേ കേരളം സുപ്രിം കോടതിയെ സമീപിച്ചിട്ടുണ്ട്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss