|    Oct 21 Sun, 2018 5:58 pm
FLASH NEWS
Home   >  Todays Paper  >  Page 5  >  

സൗദി എയര്‍ലൈന്‍സ് തിരുവനന്തപുരം സര്‍വീസ് മാര്‍ച്ച് വരെ

Published : 23rd September 2018 | Posted By: kasim kzm

കരിപ്പൂര്‍: കരിപ്പൂരില്‍ നിന്ന് സര്‍വീസ് തുടങ്ങുന്നതിനായി തിരുവനന്തപുരത്തു നിന്ന് ജിദ്ദയിലേക്കുള്ള സൗദി അറേബ്യന്‍ എയര്‍ലൈന്‍സിന്റെ വിമാന സര്‍വീസ് മാര്‍ച്ച് വരെയാക്കി ചുരുക്കുന്നു. അടുത്ത വര്‍ഷം മാര്‍ച്ച് 30 വരെ മാത്രമാണ് വിമാന ടിക്കറ്റ് ബുക്കിങ് എടുക്കുന്നത്. കരിപ്പൂരില്‍ നിന്ന് സര്‍വീസ് ആരംഭിക്കാനുള്ള മുന്നൊരുക്കങ്ങളുടെ ഭാഗമായാണിത്. കരിപ്പൂരില്‍ നിന്ന് സൗദി എയര്‍ലൈന്‍സിന് സര്‍വീസിന് അനുമതി ലഭിച്ചെങ്കിലും തിരുവനന്തപുരം സര്‍വീസ് റദ്ദാക്കാതെ കരിപ്പൂര്‍ സര്‍വീസുകള്‍ ആരംഭിക്കാനാവുന്നില്ല. തിരുവനന്തപുരത്തേക്ക് യാത്രക്കാര്‍ ടിക്കറ്റ് ബുക്ക് ചെയ്തതിനാല്‍ സര്‍വീസുകള്‍ ഒറ്റയടിക്ക് വിമാനക്കമ്പനിക്ക് പിന്‍വലിക്കാനാവുന്നില്ല. ആയതിനാലാണ് മാര്‍ച്ച് വരെ ടിക്കറ്റ് ബുക്കിങ് തീരുമാനിച്ചിരിക്കുന്നത്. കരിപ്പൂരിലും തിരുവനന്തപുരത്തും ഒരേസമയം സര്‍വീസ് നടത്താന്‍ സൗദിക്ക് അനുമതിയില്ല. ഇതിനുള്ള അംഗീകാരം ലഭ്യമാക്കാനാണ് സൗദിയുടെ ശ്രമം.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss