|    Oct 20 Fri, 2017 10:51 am
FLASH NEWS
Home   >  News now   >  

സൗദി അറേബ്യ ഇറാനുമായുള്ള നയതന്ത്ര ബന്ധം വിച്ഛേദിച്ചു

Published : 4th January 2016 | Posted By: swapna en

237185

തെഹ്‌റാന്‍ : പ്രമുഖ ശിയാ പണ്ഡിതനെ തൂക്കിലേറ്റിയതിനെ തുടര്‍ന്ന് ഇറാനിലെ സൗദി എംബസി ശിയാ അനുകൂലികള്‍ തീയിട്ടതില്‍ പ്രതിഷേധിച്ച് സൗദി അറേബ്യ ഇറാനുമായുള്ള നയതന്ത്ര ബന്ധം വിച്ഛേദിച്ചു. ഇറാനുമായുള്ള എല്ലാ നയതന്ത്ര ബന്ധങ്ങളും വിച്ഛേദിക്കുന്നതായും സൗദി അറിയിച്ചു.  48 മണിക്കൂറിനുള്ളില്‍ എല്ലാ ഇറാനി നയതന്ത്ര ഉദ്ദ്യോഗസ്ഥരും രാജ്യം വിടണമെന്ന് സൗദി അറിയിച്ചു. ഇറാനിലെ എല്ലാ നയതന്ത്ര ഉദ്ദ്യോഗസ്ഥരും രാജ്യത്ത് തിരിച്ചെത്തണമെന്ന് സൗദി ആവശ്യപ്പെട്ടിട്ടുണ്ട്.
സൗദി വിദേശ കാര്യ മന്ത്രി അദേല്‍ അല്‍ ജുബൈര്‍ ഇന്നലെ അര്‍ദ്ധരാത്രിയാണ് ഇതു സംബന്ധിച്ച പ്രഖ്യാപനം നടത്തിയത്.
ശനിയാഴ്ചയാണ് പ്രമുഖ ശിയാ പണ്ഡിതന്‍ നിമര്‍ അല്‍ നിമര്‍ ഉള്‍പ്പെടെയുള്ള 47 പേരെ സൗദി തൂക്കിലേറ്റിയത്. ഇതില്‍ അല്‍-ഖ്വെയ്ദാ ബന്ധം ആരോപിച്ചവരും രാജ്യത്തിനെതിരേ പ്രതിഷേധ പ്രകടനം നടത്തിയവരും ഉള്‍പ്പെട്ടിരുന്നു. ശിയാ പണ്ഡിതനെ വധിച്ചതില്‍ പ്രതിഷേധിച്ച് കഴിഞ്ഞ ദിവസം ഇറാനിലെ സൗദി എംബസി പ്രതിഷേധക്കാര്‍ അഗ്നിക്കിരയാക്കിയിരുന്നു.

അതിനിടെ ഇറാന്‍-സൗദി നയതന്ത്ര ബന്ധം വിച്ഛേദിച്ചതിനെ തുടര്‍ന്ന് അന്താരാഷ്ട്ര വിപണിയില്‍ എണ്ണ വില വര്‍ദ്ധിച്ചു.

saudi

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക