|    May 25 Thu, 2017 6:52 am
FLASH NEWS

സൗദിയില്‍ പ്രാര്‍ഥനക്കിടെ ആക്രമണം,അഞ്ചു പേര്‍ മരിച്ചു

Published : 17th October 2015 | Posted By: G.A.G

റിയാദ് : സൗദി അറേബ്യയില്‍ ഷിയാ വിഭാഗം നടത്തുന്ന പ്രത്യേക പ്രാര്‍ഥനക്കിടെയുണ്ടായ വെടിവെപ്പില്‍ അഞ്ചു പേര്‍ മരിച്ചു. ഒന്‍പതുപേര്‍ക്ക് പരിക്കുണ്ട്. മുഹറത്തിന്റ പത്താം ദിനത്തോടനുബന്ധിച്ച പ്രാര്‍ഥനയില്‍ പങ്കെടുത്തവര്‍ക്കു നേരെ ആയുധധാരി വെടിവെയ്ക്കുകയായിരുന്നു. ഇയാളെ പോലിസ് വെടിവെച്ചു കൊന്നു. ഇന്നലെ വൈകീട്ട് പ്രാദേശികസമയം 7 മണിയോടെ സൈഹത് നഗരത്തിലുള്ള അല്‍ ഹയ് ദരിയാ പള്ളിയില്‍ യന്ത്രത്തോക്കുമായെത്തിയ അക്രമി വെടിയുതിര്‍ക്കുകയായിരുന്നു . സുരക്ഷാവിഭാഗം ഉടന്‍ തന്നെ സ്ഥലത്തെത്തി അക്രമിയെ കീഴ്‌പെടുത്തി. ഏറ്റുമുട്ടലിനൊടുവില്‍ ഇയാള്‍ കൊല്ലപ്പെടുകയായിരുന്നുവെന്ന് ആഭ്യന്തരമന്ത്രാലയം വക്താവിനെ ഉദ്ധരിച്ച് സൗദി പ്രസ് ഏജന്‍സി അറിയിച്ചു. മരിച്ചവരില്‍ ഒരു സ്ത്രീയുമുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day