|    May 30 Tue, 2017 7:18 am
FLASH NEWS

സൗദിയില്‍ തൊഴില്‍ പീഡനത്തിന്  ഇരയായവരെ പുനരധിവസിപ്പിക്കും

Published : 30th December 2015 | Posted By: SMR

കൊച്ചി: സൗദിയില്‍ തൊഴിലുടമകളുടെ പീഡനത്തിന് ഇരയായി തൊഴില്‍ നഷ്ടപ്പെട്ട് നാട്ടില്‍ തിരിച്ചെത്തിയ ബൈജു, വിമല്‍, അഭിലാഷ് എന്നിവര്‍ക്ക് കേരള എന്‍ആര്‍ഐ ട്രസ്റ്റ് സെന്റര്‍ ധനസഹായം നല്‍കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. ജനുവരി മൂന്നിന് കുട്ടനാട്ടിലെ മങ്കൊമ്പ് ബിറ്റിആര്‍ ഭവനില്‍ നടക്കുന്ന അക്ഷയശ്രീ വസന്തോല്‍സവത്തില്‍ മന്ത്രി രമേശ് ചെന്നിത്തല ഇവര്‍ക്ക് സാമ്പത്തിക സഹായം കൈമാറും. മൂവര്‍ക്കും അവര്‍ ആഗ്രഹിക്കുന്ന രീതിയിലുള്ള പുനരധിവാസ പാക്കേജ് നല്‍കാനും ട്രസ്റ്റ് തയ്യാറാണെന്ന് ഭാരവാഹികള്‍ പറഞ്ഞു. രണ്ടു പേര്‍ക്ക് ഗള്‍ഫിലേക്ക് തിരിച്ചുപോവാനും ഒരാള്‍ക്ക് നാട്ടില്‍ തൊഴില്‍ സൗകര്യവും ഒരുക്കും. വാര്‍ത്താസമ്മേളനത്തില്‍ ട്രസ്റ്റ് ഭാരവാഹികളായ കൈലാസ് റാവു, എം എം അഗസ്റ്റിന്‍, ബൈജു, വിമല്‍, അഭിലാഷ് പങ്കെടുത്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day