|    Sep 26 Wed, 2018 8:16 pm
FLASH NEWS

സ്‌ഫോടനം: കള്ളക്കേസില്‍ കുടുക്കാന്‍ അനുവദിക്കില്ല- മുസ്‌ലിം ലീഗ്

Published : 9th September 2018 | Posted By: kasim kzm

ഇരിട്ടി: ഇരിട്ടി സ്‌ഫോടനവുമായി ബന്ധപ്പെട്ട് മുസ്‌ലിം ലീഗിന് ഒന്നും ഒളിച്ചുവയ്ക്കാനില്ലെന്നും ഭരണപക്ഷ സമ്മര്‍ദപ്രകാരം പ്രവര്‍ത്തകരെ കള്ളക്കേസില്‍ കുടുക്കാനാണ് പോലിസ് നീക്കമെങ്കില്‍ രാഷ്ട്രീയമായും നിയമപരമായും നേരിടുമെന്നും ജില്ലാ ജനറല്‍ സെക്രട്ടറി അബ്ദുല്‍ കരീം ചേലേരി. മുസ്‌ലിം ലീഗ് ഓഫിസിലെ സ്‌ഫോടനവുമായി ബന്ധപ്പെട്ട് പ്രദേശിക നേതാക്കളെ അറസ്റ്റ് ചെയ്തതിനെതിരേ പാര്‍ട്ടി പേരാവൂര്‍ മണ്ഡലം കമ്മിറ്റി ഇരിട്ടിയില്‍ നടത്തിയ പ്രതിഷേധ സംഗമം ഉദ്ഘാടനം ചെയ്യുകയായിരുന്നു അദ്ദേഹം. നിഷ്പക്ഷ അന്വേഷണമാണ് നടത്തുന്നതെങ്കില്‍ സ്വാഗതം ചെയ്യും. സമഗ്രാന്വേഷണം നടത്തി യഥാര്‍ഥ വസ്തുകള്‍ പുറത്തുകൊണ്ടുവരണമെന്നാണ് പാര്‍ട്ടിയുടെ നിലപാടെന്നും അദ്ദേഹം പറഞ്ഞു. മണ്ഡലം പ്രസിഡന്റ് കെ മുഹമ്മദലി അധ്യക്ഷനായി. കെ പി താഹിര്‍, എം പി എ റഹീം, സി അബ്ദുല്ല, എം എം മജീദ്, എം കെ മുഹമ്മദ്, സമീര്‍ പുന്നാട്, അരിപ്പയില്‍ മുഹമ്മദ് ഹാജി, ഇബ്രാഹീം പൊയിലന്‍, ഇജാസ് ആറളം സംസാരിച്ചു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss