|    Jun 23 Sat, 2018 12:38 am
FLASH NEWS

സ്‌കൂള്‍ ബസ് പരിശോധന : 40 ഓളം വാഹനങ്ങള്‍ തകരാറില്‍

Published : 28th May 2017 | Posted By: fsq

 

പത്തനാപുരം:പുനലൂരില്‍ മോട്ടോര്‍ വാഹന വകുപ്പ് നടത്തിയ സ്‌കൂള്‍ ബസുകളുടെ സുരക്ഷാ പരിശോധനയില്‍ 40ഓളം വാഹനങ്ങള്‍ തകരാറിലെന്ന് ഉദ്യോഗസ്ഥ സംഘം കണ്ടെത്തി. —പുനലൂരില്‍ സബ് ആര്‍ ടി ഓഫിസിന്റെ പരിധിയിലുള്ള ഇരുനൂറോളം സ്‌കൂള്‍ ബസ്സുകളാണ് ഇന്നലെ ചെമ്മന്തൂര്‍ സ്‌റ്റേഡിയം ഗ്രൗണ്ടില്‍ പരിശോധനക്ക് വിധേയമാക്കിയത്. തകരാറുള്ള വാഹനങ്ങള്‍ വീണ്ടും പരിശോധനക്ക് വിധേയമാക്കാന്‍ അവസരം നല്‍കും. തകരാര്‍ പരിഹരിച്ച് 31ന് എത്തിക്കാനാണ് മോട്ടോര്‍ വാഹന വകുപ്പ് അധികൃതര്‍ നിര്‍ദേശം നല്‍കിയിരിക്കുന്നത്. സ്‌കൂള്‍ തുറക്കും മുമ്പേ എല്ലാ വാഹനങ്ങളുടെയും സുരക്ഷാ പരിശോധന ഉറപ്പാക്കണമെന്ന സര്‍ക്കാര്‍ നിര്‍ദേശത്തെ തുടര്‍ന്നാണ് പുനലൂരില്‍ വാഹന പരിശോധന നടത്തിയത്.തകരാറില്ലാത്ത വാഹനങ്ങള്‍ക്ക്് പ്രത്യേക സ്റ്റിക്കര്‍ പതിച്ചു നല്‍കി.—സ്റ്റിക്കര്‍ പതിക്കാത്ത വാഹനങ്ങളില്‍ സ്‌കൂള്‍ കുട്ടികളെ കൊണ്ടുപോകാന്‍ അനുവദിക്കില്ല. ജോയിന്റ് ആര്‍ടിഒ  കെ എസ് ഷിബു,എം വി ഐമാരായ എസ് ദിലീപ്, ആര്‍ പ്രസാദ്, എഎംവിഐമാരായ സി ബി അജിത് കുമാര്‍, എസ് അഭിലാഷ്, എം ആര്‍ മനോജ് എന്നിവരുടെ നേതൃത്വത്തിലായിരുന്നു സ്‌കൂള്‍ ബസുകളുടെ പരിശോധന നടത്തിയത്.—

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss