|    Jan 22 Sun, 2017 3:58 pm
FLASH NEWS

സ്‌കൂള്‍ ബസ്സുകളിലിരുന്നു മദ്യപാനവും അനാശാസ്യവും നടത്തുന്നതായി പരാതി

Published : 24th September 2016 | Posted By: SMR

പട്ടാമ്പി : വിളയൂര്‍ മുക്കിലപീടികയില്‍ നിര്‍ത്തിയിടുന്ന ഗവ. സ്‌കൂള്‍ ബസുകളിലിരുന്നു മദ്യപാനവും അനാശാസ്യവും നടത്തുന്നതായി പരാതി. ഗ്രാമപ്പഞ്ചായത്ത് രണ്ടാം വാര്‍ഡ് മുക്കിലപീടിക സെന്ററിലാണ് സാമൂഹിക വിരുദ്ധ ശല്യം രൂക്ഷം.
രാത്രി പറമ്പുകളിലും റോഡരുകിലും നിര്‍ത്തിയിടുന്ന ബസുകളുടെ ഡോറുകളും ഷട്ടറുകളും അടച്ചിടുമെങ്കിലും ഇവ തുറന്ന് അകത്ത് കയറിയാണ് സാമൂഹിക വിരുദ്ധ പ്രവര്‍ത്തനം. വിളയൂര്‍ ഗവ. ഹൈസ്‌കൂളിനു വേണ്ടി ഓടുന്ന ബസുകള്‍ കേടാക്കുന്നത് തുടങ്ങിയിട്ടു നാളുകളേറെയായെന്ന് ഡ്രൈവര്‍മാര്‍ പറയുന്നു. കുപ്പൂത്ത് സെന്ററില്‍ നിര്‍ത്തിയിട്ടിരുന്ന ബസുകള്‍ കേടാക്കുന്നത് പതിവായതോടെ ഡ്രൈവര്‍മാര്‍ പിടിഎക്കു പരാതി നല്‍കിയിരുന്നു. ഇതേ തുടര്‍ന്ന് സ്‌കൂള്‍ ബസുകള്‍ സ്ഥലം മാറ്റി നിര്‍ത്തിയിടാന്‍ അധികൃതര്‍ ഡ്രൈവര്‍മാരോട് ആവശ്യപ്പെട്ടു. മുക്കിലപീടികയ്ക്കു സമീപം നിര്‍ത്തിയപ്പോഴും ആക്രമണങ്ങള്‍ക്ക് കുറവില്ല.
സ്‌കൂള്‍ ബസുകളുടെ ടയറുകള്‍ കാറ്റൊഴിച്ചു വിടുകയും ഡീസല്‍ ടാങ്കില്‍ നിന്നും ഇന്ധനം ചോര്‍ത്തുകയും ചെയ്തു. കഴിഞ്ഞ ദിവസം കേടാക്കിയ നിലയില്‍ കാണപ്പെട്ട ബസുകള്‍ പട്ടാമ്പി പോലിസ് സ്ഥലത്ത് എത്തി പരിശോധന നടത്തി. എസ്‌ഐ ലൈസാദ് മുഹമ്മദിന്റെ നേതൃത്വത്തിലുള്ള പോലിസ് സംഘമാണ് പരിശോധനയ്‌ക്കെത്തിയത്. ബസിന്റെ റേഡിയേറ്ററുകളും തകര്‍ത്ത നിലയിലായിരുന്നു. ഇന്ധനപൈപ്പുകള്‍ പൊട്ടിച്ചു ഡീസല്‍ ചോര്‍ത്തിയെടുക്കുയും ചക്രങ്ങള്‍ ഊരിയെടുത്ത നിലയിലും കാണപ്പെട്ടു. രാത്രി നിര്‍ത്തിയിടുന്ന ബസുകളില്‍ മദ്യകുപ്പികളും മാലിന്യവും തള്ളുകയും മലമൂത്രവിസര്‍ജനം നടത്തുന്നതായും ഡ്രൈവര്‍മാര്‍ പരാതിപ്പെട്ടു. എടപ്പലത്ത് നിര്‍ത്തിയിടുന്ന ബസുകളിലും സാമൂഹിക വിരുദ്ധ ശല്യമുള്ളതായി ബസ് ഡ്രൈവര്‍മാര്‍ പറയുന്നു. തിരുവേഗപ്പുറ നരിപ്പറമ്പ് ഗവ. യുപി സ്‌കൂളിനു വേണ്ടി ഓടുന്ന ബസ്സിനെതിരെയാണ് ഇവിടെ ശല്യം. സ്‌കൂള്‍ ബസുകള്‍ എവിടെ കൊണ്ടു പോയി നിര്‍ത്തിയിട്ടാലും ഇതേ ബസുകള്‍ ലക്ഷ്യമിട്ടാണ് സാമൂഹിക വിരുദ്ധരുടെ അഴിഞ്ഞാട്ടം. ശല്യം രൂക്ഷമായതോടെയാണ് സ്‌കൂള്‍ അധികൃതര്‍ പട്ടാമ്പി പോലിസില്‍ പരാതി നല്‍കിയത്. നരിപ്പറമ്പ് യുപി സ്‌കൂളിനു വേണ്ടി സര്‍വീസ് നടത്തുന്ന ബസ് എടപ്പലത്താണ് നിര്‍ത്തിയിടാറുള്ളത്. ഈ ബസുകളും കഴിഞ്ഞ ദിവസം തകര്‍ത്ത നിലയില്‍ കാണപ്പെട്ടു. മുക്കിലപീടികയില്‍ രാത്രി സ്ട്രീറ്റ് ലൈറ്റുകള്‍ കത്താറില്ല.
ഇരുട്ടിന്റെ മറവിലാണ് മദ്യപാനവും അനാശാസ്യവും. ഇവിടെ ഗ്രാമപ്പഞ്ചായത്ത് സ്ഥാപിച്ച തെരുവ് വിളക്കുകള്‍ സാമൂഹിക വിരുദ്ധരാണ് കേടാക്കുന്നതെന്നും പരാതിയുണ്ട്.

Share on FacebookShare on Google+Tweet about this on TwitterShare on LinkedIn
(Visited 8 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക