|    Nov 16 Fri, 2018 10:50 am
FLASH NEWS

സ്‌കൂള്‍ പരിസരത്ത് കഞ്ചാവ് വില്‍പന ; രണ്ടു വൃദ്ധന്‍മാര്‍ പിടിയില്‍

Published : 7th June 2017 | Posted By: fsq

 

ആയൂര്‍: സ്‌കൂള്‍ പരിസരം, മാര്‍ക്കറ്റ് എന്നിവ കേന്ദ്രീകരിച്ച് കഞ്ചാവ് വില്‍പ്പന നടത്തി വന്നിരുന്ന രണ്ടു വൃദ്ധന്‍മാര്‍ പിടിയിലായി.—കോട്ടുക്കന്‍ വിനില്‍ ഭവനില്‍ വിജയന്‍പിള്ള(63), കോട്ടക്കല്‍ അനുനിവാസില്‍ രഘുനാഥന്‍(61)എന്നിവരെയാണ് ചടയമംഗലം എക്‌സൈസ് റെയിഞ്ച് ഇന്‍സ്‌പെക്ടര്‍ ഐ നൗഷാദിന്റെ നേതൃത്വത്തില്‍ അറസ്റ്റു ചെയ്തത്. വിജയന്‍പിള്ളയില്‍ നിന്നും 20 ചെറുപൊതികളും രഘുനാഥനില്‍ നിന്നും 22 ചെറുപൊതി കഞ്ചാവും കണ്ടെടുത്തു. കഞ്ചാവ് വില്‍പ്പന നടത്തുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തില്‍ രഹസ്യ നിരീക്ഷണം നടത്തി വരുന്നതിനിടയിലാണ് പിടിയിലായത്. പ്രതിയെ കോടതി മുമ്പാകെ ഹാജരാക്കി. അസി. എക്‌സൈസ് ഇന്‍സ്‌പെക്ടര്‍, കെ കെ ശശികുമാര്‍, ഓഫിസര്‍ ഷിബുപാപ്പച്ചന്‍, അസി എക്‌സൈസ് ഇന്‍സ്‌പെക്ടര്‍ മോഹനനാചാരി, സിവില്‍ എക്‌സൈസ് ഓഫിസര്‍മാരായ ബിജു കുമാര്‍, മോഹന്‍രാജ്, ഉണ്ണികൃഷ്ണന്‍, എന്നിവര്‍ സംഘത്തിലുണ്ടായിരുന്നു. സ്‌കൂള്‍ കോളജ് പരിസരം കേന്ദ്രീകരിച്ചു രഹസ്യ നിരീക്ഷണം ശക്തമാക്കിയിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss