|    Oct 19 Thu, 2017 4:47 pm
FLASH NEWS
Home   >  Todays Paper  >  page 12  >  

സ്‌കൂള്‍ ഗെയിംസ് ദീപശിഖ പിടി ഉഷയുടെ കളിമുറ്റത്ത് നിന്ന്

Published : 28th January 2016 | Posted By: SMR

പയ്യോളി: കോഴിക്കോട് നടക്കുന്ന ദേശീയ സ്‌കൂള്‍ ഗെയിംസിലേക്കുള്ള ദീപശിഖാ പ്രയാണം ഒളിംപ്യന്‍ പി ടി ഉഷയുടെ കളിമുറ്റത്തു നിന്ന് ആരംഭിച്ചു. ഉഷയുടെ കായിക ജീവിതത്തിന് തുടക്കമിട്ട തൃക്കട്ടൂര്‍ യുപി സ്‌കൂളില്‍ വച്ച് ഉഷ ദീപശിഖ കൊളുത്തി. എം കെ രാഘവന്‍ എംപിയും ഉഷയും ചേര്‍ന്ന് ദീപശിഖ കായികതാരങ്ങള്‍ക്ക് കൈമാറി. എം കെ രാഘവന്‍ എംപി അധ്യക്ഷത വഹിച്ചു.
എം കെ മുഹമ്മദ് അഷ്‌റഫ്, എം കെ പ്രേമന്‍ (തിക്കോടി പഞ്ചായത്ത് പ്രസിഡന്റ്), വടകര ഡിഇഒ സുരേഷ്‌കുമാര്‍, വി ജയലക്ഷ്മി, വി രാജീവ് മാസ്റ്റര്‍, വി കെ തങ്കച്ചന്‍, കെ വി ദിവാകരന്‍, എം രവീന്ദ്രന്‍, പി വി രമണി സംസാരിച്ചു.
ദീപശിഖാ പ്രയാണം ഇന്ന് രാവിലെ 9ന് കൊയിലാണ്ടിയിലും 3ന് നടക്കാവ് ഗവ. ഹയര്‍ സെക്കന്‍ഡറി സ്‌കൂളിലും സ്വീകരണം ഏറ്റുവാങ്ങിയ ശേഷം വൈകീട്ട് 5ന് മെഡിക്കല്‍ കോളജ് ഗ്രൗണ്ടില്‍ സമാപിക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക