|    Mar 30 Thu, 2017 8:20 pm
FLASH NEWS

സ്‌കൂള്‍ അത്‌ലറ്റിക് ചാമ്പ്യന്‍ഷിപ്പില്‍ കേരളത്തിന് സുവര്‍ണത്തുടക്കം

Published : 29th January 2016 | Posted By: G.A.G

school-games-logo

കോഴിക്കോട് : 61ാം ദേശീയ സ്‌കൂള്‍ അത്‌ലറ്റിക് ചാമ്പ്യന്‍ഷിപ്പില്‍ കേരളത്തിന്റെ മെഡല്‍വേട്ടയോടെ തുടക്കം.
മല്‍സരിച്ച നാല് ഇനങ്ങളിലും കേരളം സ്വര്‍ണം നേടി.

സീനിയര്‍ ആണ്‍കുട്ടികളുടെ അയ്യായിരം മീറ്ററില്‍ കേരളത്തിന്റെ ബിപിന്‍ ജോര്‍ജ് സ്വര്‍ണവും ഷെറിന്‍ ജോസ് വെള്ളിയും നേടി. പെണ്‍കുട്ടികളുടെ അയ്യായിരം മീറ്ററില്‍ പി. ആര്‍ അലീഷ സ്വര്‍ണവും സാന്ദ്ര എസ് നായര്‍ വെള്ളിയും നേടി. ജൂനിയര്‍ ആണ്‍കുട്ടികളുടെ 3000 മീറ്റര്‍ ഓട്ടത്തില്‍ പിഎന്‍ അജിത്ത് സ്വര്‍ണം കരസ്ഥമാക്കി. 55 പെണ്‍കുട്ടികളും 51 ആണ്‍കുട്ടികളുമായി 106 കായികതാരങ്ങളെയാണ് കേരളം മേളയില്‍ പങ്കെടുപ്പിക്കുന്നത്.

കോഴിക്കോട് മെഡിക്കല്‍ കോളജ് ഒളിമ്പ്യന്‍ റഹ്്മാന്‍ ട്രാക്കില്‍ രാവിലെ 7ന് ആണ്‍കുട്ടികളുടെ 5000 മീറ്ററോടെ ആരംഭിച്ച കായികമേള ഫെബ്രുവരി 2ന് അവസാനിക്കും. രാവിലെ 9ന് പൊതുവിദ്യാഭ്യാസ ഡയറക്ടര്‍ എം എസ് ജയ പതാക ഉയര്‍ത്തിയതോടെയാണ് ഗെയിംസിന് ഔദ്യോഗിക തുടക്കമായത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day