|    Oct 21 Sun, 2018 4:44 am
FLASH NEWS
Home   >  Todays Paper  >  Page 4  >  

സ്‌കൂട്ടര്‍ ഓടയില്‍ മറിഞ്ഞ് രണ്ടു യുവാക്കള്‍ മരിച്ചു

Published : 24th September 2018 | Posted By: kasim kzm

പന്തളം: സ്‌കൂട്ടര്‍ നിയന്ത്രണം വിട്ട് ഓടയിലേക്കു മറിഞ്ഞ് രണ്ടു യുവാക്കള്‍ മരിച്ചു. ഒരാള്‍ക്കു പരിക്കേറ്റു. കടയ്ക്കാട് കുടുംബാരോഗ്യ കേന്ദ്രത്തിനു സമീപം ശനിയാഴ്ച 11.30നാണ് അപകടം. കുരമ്പാല മഞ്ചാടി അയ്യത്ത് ഹരി-ശോഭന ദമ്പതികളുടെ മകനായ അനു (വാവ-21), ഇവരുടെ ബന്ധുക്കളായ രാജന്‍-ശോഭന ദമ്പതികളുടെ മകനായ രാഹുല്‍ (19) എന്നിവരാണ് മരിച്ചത്. ഇവര്‍ക്കൊപ്പം യാത്ര ചെയ്തിരുന്ന സുരേഷ്- തങ്കമ്മ ദമ്പതികളുടെ മകന്‍ സഞ്ജിത്ത് (19) പരിക്കുകളോടെ പന്തളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ഓടയുടെ ഭിത്തിയില്‍ തലയിടിച്ച് അനു സംഭവസ്ഥലത്തും രാഹുല്‍ ഞായറാഴ്ച രാവിലെ ആശുപത്രിയിലുമാണ് മരിച്ചത്. കടയ്ക്കാട് മീന്‍പിടിക്കാന്‍ പോയി മൂവരും കുരമ്പാലയ്ക്ക വരുമ്പോഴാണ് അപകടം.
ഹൈദരാബാദില്‍ എസി മെക്കാനിക്കായിരുന്നു അനു. മനു, അനീഷ് എന്നിവരാണ് അനുവിന്റെ സഹോദരങ്ങള്‍. രാധിക, രാജീവ്, ആര്യ എന്നിവരാ ണ് രാഹുലിന്റെ സഹോദരങ്ങള്‍. സംസ്‌കാരം ഇന്നു രാവിലെ 10നു വീട്ടുവളപ്പില്‍.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss