|    Jan 16 Mon, 2017 8:36 pm
FLASH NEWS

സ്വാതന്ത്ര്യത്തിനുവേണ്ടി ജീവത്യാഗം ചെയ്ത മഹാത്മാക്കളെ പുതിയ തലമുറ മറക്കുന്നു

Published : 10th August 2016 | Posted By: SMR

പാലക്കാട്: ഇന്ത്യയുടെ സ്വാതന്ത്ര്യത്തിനു വേണ്ടി ജീവനും രക്തവും സമ്പത്തും ത്യജിച്ച മഹാത്മാക്കളെ പുതിയ തലമുറ മറന്നുകൊണ്ടിരിക്കുകയാണെന്നും കൊട്ടമൈതാനത്തെ രക്തസാക്ഷിമണ്ഡപത്തിന്റെ ശോചനീയാവസ്ഥപോലും അതാണ് വ്യക്തമാക്കുന്നതെന്നും മുന്‍ മന്ത്രി വി സി കബീര്‍ മാസ്റ്റര്‍ പറഞ്ഞു.
കേരള മദ്യനിരോധന സമിതി പാലക്കാട് ജില്ലാ കമ്മിറ്റിയുടെ ആഭിമുഖ്യത്തില്‍ കോട്ടമൈതാനം രക്തസാക്ഷിമണ്ഡപത്തില്‍ ക്വിറ്റ് ഇന്ത്യാ ദിനത്തോടനുബന്ധിച്ച് നടത്തിയ ‘ലിക്കര്‍ ക്വിറ്റ് ഇന്ത്യാ ദിന’ സര്‍വമത പ്രാര്‍ഥനാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. വിദ്യാര്‍ഥികളടക്കമുള്ള യുവതലമുറകള്‍ മദ്യത്തിനും മയക്കുമരുന്നിനും അടിമപ്പെട്ട് കൊള്ളയും ബലാല്‍സംഗങ്ങളും കൊലയും വരെ നടത്തുമ്പോള്‍ ശക്തമായ നടപടികള്‍ എടുക്കേണ്ട ഭരണാധികാരികള്‍ അനങ്ങാപ്പാറ നയം സ്വീകരിക്കുന്നത് ജനാധിപത്യത്തിന് ഭൂഷണമല്ലെന്നും ഭരണഘടനയുടെ 47-ാം അനുഛേദത്തില്‍ അനുശാസിക്കുന്ന ഭാരതമൊട്ടാകെയുള്ള മദ്യ-ലഹരി നിരോധനമാണ് പരിഹാരമാര്‍ഗ്ഗമെന്നും അവ നടപ്പാക്കുന്നതിനുള്ള രാഷ്ട്രീയ ഇച്ഛാശക്തി കേന്ദ്ര-സംസ്ഥാന സര്‍ക്കാരുകളുടെ ഭാഗത്തു നിന്ന് ഉണ്ടാകണമെന്നും അദ്ദേഹം ആവശ്യപ്പെട്ടു. ജില്ലാ വൈ.പ്രസിഡന്റ് എസ് കുമാരന്‍, ചിറക്കാട് അധ്യക്ഷത വഹിച്ചു. ജില്ലാ സെക്രട്ടറി എ കെ സുല്‍ത്താന്‍ മദ്യവിരുദ്ധ പ്രതിജ്ഞാ വാചകം ചൊല്ലിക്കൊടുത്തു. എം രാമകൃഷ്ണന്‍., കെ അബൂബക്കര്‍, എസ് ശശീന്ദ്രന്‍, ഡോ.രഘുനാഥ് പാറയ്ക്കല്‍, റയ്മണ്ട് ആന്റണി, എം പി മത്തായി മാസ്റ്റര്‍, എ വാസുദേവനുണ്ണി മാസ്റ്റര്‍, എം ശിവരാജേഷ്, ആര്‍.സുരേന്ദ്രന്‍, കെ.എ.രഘുനാഥ്, ജി.രവീന്ദ്രന്‍, വി.മദനമോഹന്‍, എം.എസ്.അബ്ദുള്‍ ഗുദ്ദൂസ്, കെ.കുഞ്ചു, സ്വാമിനാഥന്‍ വെണ്ണക്കര, ഡോ.മാന്നാര്‍ ജി രാധാകൃഷ്ണന്‍ എന്നിവര്‍ സംസാരിച്ചു.

Share on FacebookShare on Google+Tweet about this on TwitterShare on LinkedIn
(Visited 26 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക