|    May 30 Tue, 2017 4:59 pm
FLASH NEWS

സ്വവര്‍ഗ്ഗാനുരാഗം കുറ്റകരമാണോ? ഭരണഘടനാ ബെഞ്ച്് പരിശോധിക്കും: സുപ്രിംകോടതി

Published : 2nd February 2016 | Posted By: swapna en

ന്യൂഡല്‍ഹി:  സ്വവര്‍ഗ്ഗാനുരാഗം കുറ്റകരമാണോയെന്ന്  സുപ്രിംകോടതിയുടെ ഭരണാഘടനാ ബെഞ്ചിന് തീരുമാനിക്കാമെന്ന് സുപ്രിംകോടതി. 377ാം വകുപ്പ് ഭരണഘടനാവിരുദ്ധമാണോയെന്നും ഭരണഘടനാബെഞ്ച് പരിശോധിക്കും.
മൂന്നാം ലിംഗക്കാരുടെ (എല്‍ജിബിടി) ലൈംഗിക സ്വാതന്ത്ര്യവുമായി ബന്ധപ്പെട്ട് പ്രകൃതിവിരുദ്ധ ലൈംഗികത നിയമവിരുദ്ധമാക്കി പ്രഖ്യാപിക്കുന്ന പീനല്‍ കോഡിലെ 377ാം വകുപ്പുമായും ബന്ധപ്പെട്ട തിരുത്തല്‍ ഹരജികള്‍ പരിഗണിക്കവെയാണ് സുപ്രിംകോടതിയുടെ നടപടി. ഭിന്ന ലിംഗക്കാര്‍ക്ക് അനുകൂലമായ ഒരു വിധിയില്‍ 377ാം വകുപ്പ് ഭരണഘടനാവിരുദ്ധമാണെന്ന് ഡല്‍ഹി ഹൈക്കോടതി 2009ല്‍ വിധിച്ചിരുന്നു.
എന്നാല്‍ പ്രസ്തുത വകുപ്പ് തിരുത്തുകയോ പിന്‍വലിക്കുകയോ ചെയ്യാന്‍ ഉത്തരവാദപ്പെട്ടത് പാര്‍ലമെന്റാണെന്ന് ചൂണ്ടിക്കാട്ടി സുപ്രിംകോടതി 2013ല്‍ ഈ വിധി റദ്ദ് ചെയ്തു. പിന്നീട് ഇതിനെതിരെ റിവ്യൂ ഹരജികള്‍ പരിഗണിക്കപ്പെട്ടെങ്കിലും സുപ്രിംകോടതി അതിന്റെ മുന്‍ ഉത്തരവ് ഉയര്‍ത്തിപ്പിടിക്കുകയായിരുന്നു. ഇതിനെതിരേ സമര്‍പ്പിക്കപ്പെട്ടിരിക്കുന്ന എട്ടോളം തിരുത്തല്‍ ഹരജികള്‍ കോടതി പരിഗണിക്കുകയായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day