|    Aug 15 Wed, 2018 2:53 pm
FLASH NEWS
Home   >  Todays Paper  >  page 12  >  

സ്വന്തം റോക്കറ്റില്‍ 1875 അടി ഉയരത്തില്‍ സഞ്ചരിച്ച് 61കാരന്‍

Published : 26th March 2018 | Posted By: kasim kzm

ലോസ് ആഞ്ചലസ്: സ്വന്തമായി വികസിപ്പിച്ച റോക്കറ്റില്‍ 1,875 അടി ഉയരം വരെ സഞ്ചരിച്ച് 61കാരനായ യുഎസ് സ്വദേശിയും ലിമോസിന്‍ ഡ്രൈവറുമായ മൈക് ഹ്യൂഗ്‌സ്. ഭൂമി പരന്നതാണെന്ന് അഭിപ്രായപ്പെടുന്ന ഹ്യൂഗ്‌സ് സ്വന്തമായാണ് റോക്കറ്റ് സാങ്കേതികവിദ്യ അഭ്യസിച്ചത്. ഭൂമിക്കു ചുറ്റുമുള്ള ഭ്രമണപഥത്തില്‍ എത്തിക്കാന്‍ ലക്ഷ്യം വച്ചാണ് ഹ്യൂഗ്‌സ് റോക്കറ്റ് നിര്‍മിച്ചതെങ്കിലും 1,875 അടി വരെ ഉയരത്തില്‍ സഞ്ചരിച്ച് തിരിച്ചെത്തുകയായിരുന്നു.
ശനിയാഴ്ച രാവിലെ കാലഫോര്‍ണിയയിലെ ആംബോയ്ക്ക് സമീപമായിരുന്നു വിക്ഷേപണം. മൊജാവെ മരുഭൂമിയിലാണ് റോക്കറ്റ് തിരിച്ചെത്തിയത്. താന്‍ പരിക്കുകളൊന്നുമേല്‍ക്കാതെ തിരിച്ചെത്തിയതായി ഹ്യൂഗ്‌സ് പ്രതികരിച്ചു. തനിക്ക് റോക്കറ്റ് നിര്‍മിക്കാന്‍ പറ്റില്ലെന്ന് ആളുകള്‍ സ്ഥിരമായി പറയുന്നതു കേട്ട് തളര്‍ന്നതായും എന്നാല്‍, ഇപ്പോള്‍ തന്റെ പരിശ്രമം വിജയിച്ചതായും അദ്ദേഹം പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss