|    Oct 23 Tue, 2018 11:41 am
FLASH NEWS

സ്വകാര്യ ബസ്സില്‍ വിദ്യാര്‍ഥികളെ കയറ്റുന്നില്ലെന്ന് പരാതി

Published : 30th December 2015 | Posted By: SMR

മൂവാറ്റുപുഴ: വിദ്യാര്‍ഥി—കളോട് സ്വകാര്യ ബസ്സുകാര്‍ക്ക് അയിത്തം. സ്‌കൂള്‍ വിടുമ്പോള്‍ സ്‌റ്റോപ്പില്‍ കാത്തുനില്‍ക്കുന്ന വിദ്യാര്‍ഥികളെ കയറ്റാന്‍ സ്വകാര്യ ബസ് ജീവനക്കാര്‍ തയ്യാറാവുന്നില്ലെന്നാണ് പരാതി. വിദ്യാര്‍ഥികളെ കാണുമ്പോള്‍ ബസ് സ്‌റ്റോപ്പില്‍ നിര്‍ത്താന്‍ തയ്യാറാവുന്നില്ലെന്നും പറയുന്നു. ചില ബസ്സുകാര്‍ മറ്റു യാത്രക്കാരെ കയറ്റിയശേഷം പേരിനുമാത്രം വിദ്യാര്‍ഥികളെ കയറ്റിപോവുകയാണ്.
സ്‌കൂള്‍ സമയങ്ങളില്‍ സ്‌റ്റോപ്പുകളില്‍ പോലിസിന്റെ സേവനം കാര്യക്ഷമമല്ലാത്തതാണ് സ്വകാര്യബസ്സുകാരുടെ നിയമലംഘനം പതിവാകുന്നത്. വിദ്യാര്‍ഥികളെ കയറ്റാത്തതില്‍ പ്രതിഷേധിച്ച് നാട്ടുകാരും രക്ഷിതാക്കളും ചേര്‍ന്ന് ബസ് തടഞ്ഞസംഭവങ്ങളും അടുത്തകാലത്ത് ഉണ്ടായെങ്കിലും ഇതൊന്നും ജീവനക്കാര്‍ ഗൗനിക്കാറില്ല.
നിയമലംഘനം തുടരുന്ന സ്വകാര്യ ബസ്സുകാരോട് അധികൃതര്‍ മൃദുസമീപനം തുടരുന്നത് ജീവനക്കാര്‍ക്ക് അഴിഞ്ഞാടാന്‍ സഹായമാവുകയാണ്. വിദ്യാര്‍ഥികളെ കയറ്റാന്‍ മടിക്കുന്ന സ്വകാര്യബസ്സുകള്‍ മല്‍സരിച്ചോടി അപകടങ്ങള്‍ സൃഷ്ടിക്കുന്നതും പതിവാണ്. കഴിഞ്ഞദിവസം കാരക്കുന്നത്ത് മല്‍സരിച്ചോടിയ സ്വകാര്യ ബസ് യാത്രക്കാര്‍ ഇറങ്ങുന്നതിനു മുമ്പ് മുന്നോട്ടെടുത്തതിനെത്തുടര്‍ന്ന് വൃദ്ധ അപകടത്തില്‍പ്പെട്ട് മരിച്ചിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss