|    Dec 18 Mon, 2017 7:57 pm

സ്വകാര്യ കമ്പനിക്കായുള്ള കേബിള്‍ കുഴികള്‍ അപകടം വിതക്കുന്നു

Published : 5th March 2016 | Posted By: SMR

ആലുവ: സ്വകാര്യ കമ്പനിക്കായുള്ള കേബിള്‍ കുഴികള്‍ അപകടം വിതക്കുന്നു. തിരക്കേറിയ റോഡരികുകളില്‍ സ്വകാര്യ ടെലിഫോണ്‍ കമ്പനിക്കുവേണ്ടി എടുത്ത കേബിള്‍ കുഴികളാണ് അപകടങ്ങള്‍ക്ക് കാരണമാവുന്നത്.
ഇന്നലെ ആലുവ-എറണാകുളം ദേശീയപാതയില്‍ അമ്പാട്ടുകാവിന് സമീപത്തായി ഇത്തരത്തിലുള്ള കേബിള്‍ കുഴിയില്‍ ലോഡുമായി ട്രെയിലര്‍ ലോറി അകപ്പെടുകയായിരുന്നു.
കൊച്ചിയില്‍നിന്നും ടൈലുമായി തമിഴ്‌നാടിലേക്ക് പോവുകയായിരുന്ന ട്രെയിലര്‍ ലോറിയാണ് അബദ്ധത്തില്‍ കേബിള്‍ കുഴിയില്‍ കുടുങ്ങിയത്.
സമീപത്തെ ഇലട്രിക് പോസ്റ്റില്‍ ലോറി തട്ടാതിരുന്നതുകൊണ്ട് അപകടം ഒഴിവായത് തലനാരിഴക്കാണ്.
കുഴിയില്‍ അകപ്പെട്ട ലോറി പിന്നീട് ക്രെയിന്‍ ഉപയോഗിച്ചാണ് നീക്കംചെയ്തത്. കഴിഞ്ഞ ദിവസം ആലുവ കമ്പനിപ്പടിക്ക് സമീപം ഇത്തരത്തില്‍ കേബിള്‍ കുഴിയില്‍ അകപ്പെട്ടിരുന്നു. തിരക്കേറിയ റോഡരികില്‍ അടുത്തിടെയാണ് സ്വകാര്യ ടെലഫോണ്‍ കമ്പനിക്കാര്‍ കേബിള്‍ കുഴിച്ചത്. കേബിളുകള്‍ സ്ഥാപിച്ച ശേഷം കാര്യക്ഷമമായി കുഴികള്‍ മൂടാത്തതാണ് അപകടങ്ങള്‍ക്ക് കാരണമാവുന്നത്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss