|    May 27 Sat, 2017 7:27 pm
FLASH NEWS

സ്വകാര്യകെട്ടിടം മോടികൂട്ടാന്‍ പൊതുഫണ്ട്; കണ്‍സ്യൂമര്‍ ഫെഡില്‍ വിജിലന്‍സ് റെയ്ഡ്

Published : 3rd December 2015 | Posted By: SMR

കാഞ്ഞങ്ങാട്: സ്വകാര്യവ്യക്തിയുടെ കെട്ടിടം 23 ലക്ഷം രൂപ ചെലവില്‍ മോടി കൂട്ടിയ സംഭവത്തെക്കുറിച്ച് വിജിലന്‍സ് അന്വേഷണം. വിജിലന്‍സ് സിഐ പി ബാലകൃഷ്ണന്‍ നായരുടെ നേതൃത്വത്തില്‍ കണ്‍സ്യൂമര്‍ ഫെഡിന്റെ കാഞ്ഞങ്ങാട് മഡിയനി ലെ റീജ്യനല്‍ ഓഫിസ് കം ഗോഡൗണില്‍ ഇന്നലെ പരിശോധന നടത്തി. സ്വകാര്യവ്യക്തിയുടെ കെട്ടിടത്തിലാണ് വാടകയ്ക്ക് ഓഫിസ് പ്രവര്‍ത്തിക്കുന്നത്. ഇവിടെയാണ് പൊതുഖജനാവില്‍നിന്ന് 23 ലക്ഷത്തോളം രൂപ വിനിയോഗിച്ചു നവീകരിച്ചത്.
2009-2010 കാലയളവില്‍ ഓഫിസിന്റെ ഉദ്ഘാടനത്തോടനുബന്ധിച്ചാണ് കെട്ടിടം മോടി പിടിപ്പിച്ചത്. ഇതില്‍ പരാതി ഉയര്‍ന്നതിനെ തുടര്‍ന്ന് നടത്തിയ ഓഡിറ്റിങിലാണു ക്രമക്കേട് കണ്ടെത്തിയത്. പിന്നീട് ഓഡിറ്റ് റിപോര്‍ട്ട് സഹിതം വിജിലന്‍സ് ഡയറക്ടര്‍ക്ക് പരാതി നല്‍കുകയായിരുന്നു. ഇതേത്തുടര്‍ന്നാണ് അന്വേഷണത്തിനു ഉത്തരവിട്ടത്.
പൊതുമരാമത്ത് അസി. എ ന്‍ജിനീയര്‍ (കെട്ടിട വിഭാഗം) ഷാജി, സിവില്‍ പോലിസ് ഓഫിസര്‍ പ്രമോദ് തുടങ്ങിയവരും പരിശോധനാ സംഘത്തിലുണ്ടായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day