|    Oct 19 Thu, 2017 6:25 pm
FLASH NEWS

സ്റ്റേറ്റ് ഡയറി ലാബിന് ഐഎസ്ഒ അക്രഡിറ്റേഷന്‍ ലഭിച്ചു

Published : 3rd May 2016 | Posted By: SMR

തിരുവനന്തപുരം: പട്ടത്ത് പ്രവര്‍ത്തിക്കുന്ന ക്ഷീരവികസന വകുപ്പിന്റെ സ്റ്റേറ്റ് ഡയറി ലാബിന് അന്താരാഷ്ട്ര ഗുണനിലവാരമായ IS/ISO/IEC 17025:2005 പ്രകാരമുളള നാഷനല്‍ അക്രഡിറ്റേഷന്‍ ഫോര്‍ ടെസ്റ്റിങ് ആന്റ് കാലിബ്രേഷന്‍ ലബോറട്ടറീസ് അക്രഡിറ്റേഷന്‍ ലഭിച്ചു.
പാലും പാലുല്‍പ്പന്നങ്ങളും പരിശോധിക്കുന്നതിന് എന്‍എബിഎല്‍ അക്രഡിറ്റേഷന്‍ ലഭിക്കുന്ന ആദ്യത്തെ സര്‍ക്കാര്‍ ലാബാണിത്.
ലാബില്‍ പാല്‍, പാലുല്‍പ്പന്നങ്ങള്‍ വെള്ളം, കാലിത്തീറ്റ എന്നിവയുടെ രാസ-അണു ഗുണനിലവാരം പരിശോധിക്കുന്നതിനുള്ള സംവിധാനം ഏര്‍പ്പെടുത്തിയിട്ടുണ്ട്.
പാലുല്‍പ്പാദനം വര്‍ധിപ്പിക്കുന്നതിനായി അനുവദനീയമല്ലാത്ത പദാര്‍ത്ഥങ്ങള്‍ കാലിത്തീറ്റയില്‍ ചേര്‍ത്ത് വിതരണം ചെയ്യുന്നു എന്ന പരാതിയുടെ അടിസ്ഥാനത്തില്‍ ആവശ്യമായ പരിശോധനകള്‍ നടത്തുന്നതിനുവേണ്ടിയാണ് ഈ സംവിധാനം ഏര്‍പ്പെടുത്തിയിരിക്കുന്നത്.
കാലിത്തീറ്റയിലെ ജലാംശം, കൊഴുപ്പ്, മാംസ്യം, നാരുകള്‍, യൂറിയ, ആസിഡില്‍ ലയിക്കുന്ന ലവണങ്ങള്‍ എന്നിവ പരിശോധിക്കുന്നതിനുള്ള സംവിധാനവും പാല്‍, പാലുല്‍പ്പന്നങ്ങള്‍, വെള്ളം എന്നിവയുടെ രാസപരമായ ഗുണം പരിശോധിക്കുന്നതിനു പുറമേ ഇ-കോളി തുടങ്ങിയ രോഗാണുക്കളുടെ സാന്നിദ്ധ്യം പരിശോധിക്കുന്നതിനും കട 10500 പ്രകാരം കുടിവെള്ളത്തിന് അനുവദനീയമായ ഗുണനിലവാരം പ്രത്യേകിച്ചും മൈക്രോ ബൈയോളജിക്കല്‍ ഗുണനിലവാരം പരിശോധിക്കുന്നതിനുള്ള സംവിധാനങ്ങളും ലാബില്‍ ഏര്‍പ്പെടുത്തിയിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക