|    Oct 22 Sun, 2017 11:01 pm
FLASH NEWS
Home   >  National   >  

സ്മൃതി ഇറാനി ടിവി മെറ്റീരിയല്‍; തരൂരിന്റെ പ്രസ്താവന വിവാദത്തില്‍

Published : 27th March 2016 | Posted By: swapna en

shashi

ന്യൂഡല്‍ഹി: കേന്ദ്ര മന്ത്രി സ്മൃതി ഇറാനി ടിവി മെറ്റീരിയല്‍ ആണെന്നും മന്ത്രിയായി ഭരണം കാഴ്ചവയ്ക്കാന്‍ അവര്‍ക്കാവില്ലെന്നും വിവാദ പ്രസ്താവന നടത്തിയ കോണ്‍ഗ്രസ് എം പി ശശി തരൂര്‍ വിവാദത്തില്‍. കേന്ദ്ര മാനവവിഭവ ശേഷി മന്ത്രിയായിരിക്കാന്‍ സ്മൃതി ഇറാനിക്ക് യോഗ്യതയില്ല. ടെലിവിഷന്‍ സീരിയലില്‍ അഭിനയിക്കുന്നവര്‍ക്ക് മന്ത്രിയായിരിക്കാന്‍ പറ്റില്ലെന്നുമാണ് കഴിഞ്ഞ ദിവസം കോണ്‍ഗ്രസ്സിന്റെ ഒരു ചടങ്ങിനിടെ തരൂര്‍ പറഞ്ഞത്. പ്രസ്താവന വിവാദമായിരിക്കുകയാണ്. ഇതിനെതിരേ ബിജെപി രംഗത്ത് വന്നിട്ടുണ്ട്. നേരത്തെ കനയ്യ കുമാറിനെ ഭഗത് സിങിനോട് ഉപമിച്ചതിന് ബിജെപിയില്‍ നിന്നും സ്വന്തം പാര്‍ട്ടിക്കകത്തു നിന്നും തരൂര്‍ ഏറെ വിമര്‍ശനത്തിന് പാത്രമായിരുന്നു. സ്റ്റാര്‍ പ്ലസ് ചാനലില്‍ വര്‍ഷങ്ങളോളം നീണ്ടു നിന്ന ക്യൂ കി സാസ് ഭി കഭി ബഹു തീ എന്ന സീരിയലിലെ പ്രധാന കഥാപാത്രമായിരുന്ന തുളസിയെ അവതരിപ്പിച്ചത് സ്മൃതി ഇറാനിയായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക