|    Oct 18 Thu, 2018 8:09 am
FLASH NEWS
Home   >  Kerala   >  

സ്പീക്കറുടെ എഫ്ബി പോസ്റ്റിന് താഴെ സംഘപരിവാര സൈബര്‍ ആക്രമണം : ചുട്ടമറുപടിയുമായി സ്പീക്കര്‍

Published : 2nd September 2017 | Posted By: shins

പൊന്നാനി: സ്പീക്കര്‍ പി ശ്രീരാമകൃഷ്ണന്റെ എഫ്ബി പോസ്റ്റിന് താഴെ സംഘപരിവാരത്തിന്റെ സൈബര്‍ ആക്രമണം. ദാരിദ്ര്യത്തില്‍ നട്ടംതിരിഞ്ഞ് ആത്മഹത്യക്ക് മുമ്പില്‍ എത്തിനില്‍ക്കുന്ന മല്‍സ്യത്തൊഴിലാളികളായ ഹിന്ദുക്കളും ക്രിസ്ത്യാനികളും ആനുകൂല്യങ്ങള്‍ കിട്ടാന്‍ സത്യസരണിയില്‍ പോയി മതംമാറണോ? എന്നാണ് സംഘപരിവാര പ്രവര്‍ത്തകര്‍ ചോദിക്കുന്നത്. പൊന്നാനിയിലെ സുല്‍ഫത്തിനെ സഹായിക്കുമെന്ന ശ്രീരാമകൃഷ്ണന്റെ പോസ്റ്റിന് താഴെയാണ് സൈബര്‍ സംഘികളുടെ ആക്രമണം ഉണ്ടായത്. ഷട്ട് യുവര്‍ ബ്ലഡി മൗത്ത്… ഓള്‍ ഹിന്ദൂസ് ഗെറ്റിങ് ദെയര്‍ ഫീസ് നൗ, അറിയുമോ എന്ന കിടിലന്‍ മറുപടിയുമായി സ്പീക്കര്‍ രംഗത്തുവരികയും ചെയ്തു. പൊന്നാനിയിലെ ഒരു മല്‍സ്യത്തൊഴിലാളിയുടെ മകളായ സുല്‍ഫത്തിന് മെഡിക്കല്‍ ഫീസ് അടയ്ക്കാന്‍ സൗകര്യമുണ്ടാക്കിക്കൊടുത്തെന്ന സ്പീക്കര്‍ പി ശ്രീരാമകൃഷ്ണന്റെ ഫേസ്ബുക്ക് പോസ്റ്റിലാണ് സംഘടിത ആക്രമണം നടത്തിയത്. മുസ്‌ലിം വിഭാഗത്തില്‍പ്പെട്ട മല്‍സ്യത്തൊഴിലാളികളെ കൂടി പഠനച്ചെലവ് ഏറ്റെടുക്കുന്ന പദ്ധതിയില്‍പ്പെടുത്തിയെന്നു വ്യക്തമാക്കുന്നതായിരുന്നു സ്പീക്കറുടെ പോസ്റ്റ്. എന്നാല്‍ കമന്റ് ബോക്‌സില്‍ സ്പീക്കറെ നിശിതമായി വിമര്‍ശിക്കുന്ന കമന്റുകളാണ് നിറഞ്ഞത്്. ഇതില്‍ പലരും ഒരേ കമന്റ് തന്നെ കോപ്പി പേസ്റ്റ് ചെയ്തിരിക്കുകയാണ്. ഇതില്‍ ഏതാനും കമന്റുകള്‍ക്ക് ശ്രീരാമകൃഷ്ണന്‍ ഉരുളയ്ക്ക് ഉപ്പേരി പോലെ മറുപടി നല്‍കിയിട്ടുമുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss