|    May 24 Wed, 2017 8:07 am
FLASH NEWS

സ്പിന്‍ കെണിയില്‍ ദക്ഷിണാഫ്രിക്ക വീണ്ടും വീണു

Published : 15th November 2015 | Posted By: SMR

ബംഗളൂരു: ഒന്നാം ടെസ്റ്റിനു സമാനമായി രണ്ടാം ടെസ്റ്റിലും ഇന്ത്യയൊരുക്കിയ സ്പിന്‍ കെണിയില്‍ ദക്ഷിണാഫ്രിക്ക കുരുങ്ങി. ടോസിനുശേഷം ഫീല്‍ഡിങ് തിരഞ്ഞെടുത്ത ഇന്ത്യ ദക്ഷിണാഫ്രിക്കയെ ഒന്നാംദിനം തന്നെ 214 റണ്‍സില്‍ എറിഞ്ഞുവീഴ്ത്തി. എബി ഡിവില്ലിയേഴ്‌സ് (85) മാത്രമാണ് സന്ദര്‍ശക ഇന്നിങ്‌സില്‍ പിടിച്ചുനിന്നത്.
മറുപടി ബാറ്റിങാരംഭിച്ച ഇന്ത്യ ആദ്യദിനം സ്റ്റംപെടുക്കുമ്പോള്‍ വിക്കറ്റ് പോവാതെ 80 റ ണ്‍സെടുത്തു. മുഴുവന്‍ വിക്കറ്റുകളും ശേഷിക്കെ ദക്ഷിണാഫ്രിക്കയ്‌ക്കൊപ്പമെത്താന്‍ ഇന്ത്യക്ക് 134 റണ്‍സ് മാത്രം മതി. ശിഖര്‍ ധവാനും (45*) മുരളി വിജയുമാണ് (28*) ക്രീസിലുള്ളത്.
നേരത്തേ സ്പിന്നര്‍മാരായ ആര്‍ അശ്വിന്റെയും രവീന്ദ്ര ജഡേജയുടെയും കടന്നാക്രമണമാണ് ദക്ഷിണാഫ്രിക്കയെ കടപുഴക്കിയത്. ഇരുവരും നാലു വി ക്കറ്റ് വീതം പിഴുതു.
105 പന്തില്‍ 11 ബൗണ്ടറിക ളും ഒരു സിക്‌സറുമടക്കമാണ് ഡിവില്ലിയേഴ്‌സ് ദക്ഷിണാഫ്രിക്കന്‍ ബാറ്റിങിന്റെ നെടുംതൂണായത്. ഡീന്‍ എല്‍ഗറാണ് (38) 30 നു മേല്‍ സ്‌കോര്‍ ചെയ്ത മറ്റൊരു താരം. പേസര്‍ മോര്‍നെ മോര്‍ക്കല്‍ 22 റണ്‍സെടുത്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day