|    Apr 24 Tue, 2018 10:14 pm
FLASH NEWS

സ്ത്രീകള്‍ക്ക് തണലുമായി സഖി വണ്‍ സ്‌റ്റോപ്പ് സെന്റര്‍

Published : 3rd March 2018 | Posted By: kasim kzm

കൂത്തുപറമ്പ്: കൂത്തുപറമ്പ് താലൂക്ക് ആശുപത്രിയില്‍ പ്രവര്‍ത്തിക്കുന്ന സഖി വണ്‍ സ്‌റ്റോപ്പ് സെന്റര്‍ കുടുംബത്തിലും സമൂഹത്തിലും തൊഴിലിടത്തും അതിക്രമത്തിന് ഇരയാവുന്ന സ്ത്രീകള്‍ക്ക് താങ്ങും തണലുമാവുന്നു. ശാരീരികവും ലൈംഗികവും വൈകാരികവും മാനസികവും സാമ്പത്തികവുമായ പീഡനങ്ങള്‍ക്ക് ഇരയാവുന്നവര്‍ക്ക് പിന്തുണയേകുകയാണ് സഖി. ഇത്തരത്തില്‍ ചൂഷണങ്ങള്‍ക്ക് വിധേയരാവുന്നവര്‍ക്ക് ചികില്‍സാ സഹായം, നിയമസഹായം, മനശാസ്ത്ര കൗ ണ്‍സലിങ് എന്നിവ ഒരു മേല്‍ക്കൂരയ്ക്ക് കീഴില്‍ ഇവിടെ നല്‍കുന്നു. 18 വയസിന് താഴെയുള്ള പെണ്‍കുട്ടികള്‍ക്ക് ഉള്‍പ്പെടെ സഹായം ലഭിക്കും.
സഖിയിലെ വനിതാ ഹെല്‍പ് ലൈനില്‍ എമര്‍ജന്‍സി റെസ്‌പോണ്‍സ്, റെസ്‌ക്യു സര്‍വീസ്, മെഡിക്കല്‍ സഹായം, എഫ്‌ഐആര്‍/എന്‍സിആര്‍/ഡിഐആര്‍ ഫയല്‍ ചെയ്യുന്നതിനുള്ള സഹായം എന്നിവ നല്‍കുന്നു. കൂടാതെ സൈക്കോ സോഷ്യല്‍ സപോര്‍ട്ട്, കൗണ്‍സലിങ്, നിയമസഹായം, അഭയസങ്കേതം, വീഡിയോ കോണ്‍ഫറന്‍സിങ് സൗകര്യം എന്നിവയും ലഭിക്കും. ഫോണ്‍: 0490 2367450, 9656471875.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss