|    May 26 Fri, 2017 12:06 am
FLASH NEWS

സ്ത്രീകള്‍ക്കെതിരേ മനുഷ്യാവകാശലംഘനം ഗുരുതരം: യുഎന്‍

Published : 12th March 2016 | Posted By: SMR

ജനീവ: ആഭ്യന്തരസംഘര്‍ഷം രൂക്ഷമായ ദക്ഷിണ സുദാനില്‍ സ്ത്രീകള്‍ക്കെതിരേ ഗുരുതര മനുഷ്യാവകാശ ലംഘനങ്ങള്‍ നടക്കുന്നതായി യുഎന്‍.
രാജ്യത്ത് ആക്രമണം നടത്തുന്ന പോരാളിസംഘങ്ങള്‍ക്ക് പ്രതിഫലത്തിന് പകരം സ്ത്രീകളെ ബലാല്‍സംഗം ചെയ്യാന്‍ അധികൃതര്‍ അനുമതി നല്‍കിയതായി യുഎന്‍ മനുഷ്യാവകാശ സമിതിയുടെ റിപോര്‍ട്ട്.
സ്ത്രീകള്‍ക്കെതിരായ ഏറ്റവും ഭീകരമായ മനുഷ്യാവകാശ ലംഘനങ്ങളാണ് രാജ്യത്തുള്ളതെന്നും സമിതി വ്യക്തമാക്കി. ദക്ഷിണ സുദാന്‍ സൈന്യത്തോടൊപ്പം ചേര്‍ന്ന് സായുധപ്രവര്‍ത്തനങ്ങളില്‍ പങ്കുചേരുന്നവര്‍ക്കാണ് ഇത്തരത്തില്‍ പീഡനം നടത്താന്‍ നിര്‍ദേശം നല്‍കുന്നതെന്ന് യുഎന്‍ പറയുന്നു. ഇതിനു പുറമേ സര്‍ക്കാരിനുവേണ്ടി ആക്രമണം നടത്തുന്ന പ്രദേശങ്ങളിലെ ജനങ്ങളുടെ സ്വത്തുക്കള്‍ കൊള്ളയടിക്കാനുള്ള അനുമതിയും ദക്ഷിണ സുദാന്‍ സായുധ പ്രവര്‍ത്തകര്‍ക്ക് നല്‍കുന്നു.
പ്രതിപക്ഷത്തെ പിന്തുണയ്ക്കുന്നവരുടെ കുട്ടികളടക്കമുള്ളവരെ തൂക്കിക്കൊല്ലുകയും തീവച്ചും വെട്ടി കഷണങ്ങളാക്കിയും കൊലപ്പെടുത്തുകയും ചെയ്യുന്ന സംഭവങ്ങളും രാജ്യത്ത് നടക്കുന്നതായി റിപോര്‍ട്ടിലുണ്ട്. ബലാല്‍സംഗങ്ങളെ രാഷ്ട്രീയ ആയുധമാക്കുന്ന സ്ഥിതിയാണ് രാജ്യത്തെന്നു യുഎന്‍ പ്രസ്താവനയില്‍ പറഞ്ഞു.
2011ല്‍ സുദാനില്‍ നിന്ന് വിഭജിച്ച് ദക്ഷിണസുദാന്‍ രൂപീകരിക്കപ്പെട്ടതു മുതല്‍ രാജ്യത്ത് ആഭ്യന്തരയുദ്ധം നടക്കുകയാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day