|    Dec 15 Fri, 2017 6:23 am
FLASH NEWS

സ്ത്രീകളെ ആക്രമിച്ച ബ്ലേഡ്മാഫിയ സംഘം അറസ്റ്റില്‍

Published : 3rd December 2017 | Posted By: kasim kzm

അഞ്ചല്‍:ഏരൂരില്‍ പലിശപ്പണം കൊടുക്കാന്‍ വൈകിയത് മൂലം വീട്ടില്‍ നിന്നും ഇറക്കിവിട്ടതിനെ തുടര്‍ന്ന് വീടിന്റെ സിറ്റൗട്ടില്‍ താമസമാക്കിയിരിക്കുന്ന കുടുംബത്തെ ബ്ലേഡ്മാഫിയ ആക്രമിച്ചു. ആക്രമണത്തില്‍ രണ്ടുപേര്‍ക്ക് പരിക്കേറ്റു. ഏരൂര്‍ പുത്തന്‍വിള വീട്ടില്‍ സിന്ധുവിനും പന്ത്രണ്ടുവയസ്സുകാരിയായ മകള്‍ക്കുമാണ് പരിക്കേറ്റത്. പെണ്‍കുട്ടിയുടെ കൈയില്‍ കുത്തി മുറിവേല്‍പ്പിക്കുകയും സിന്ധുവിനെ കമ്പിപ്പാരകൊണ്ട അടിക്കുകയും ചെയ്തു. ഇരുവരും പുനലൂര്‍ താലൂക്ക് ആശുപത്രിയില്‍ ചികില്‍സയിലാണ്. കുപ്രസിദ്ധ പലിശക്കാരന്‍ ചിത്തിര സൈജു, സഹായി ശാലു എന്നിവരാണ് വീടുകയറി അക്രമിച്ചത്. ഇവരെ അഞ്ചല്‍ പോലിസ് അറസ്റ്റ് ചെയ്ത് കോടതിയില്‍ ഹാജരാക്കി റിമാന്‍ഡ് ചെയ്തു. പണം പലിശയ്‌ക്കെടുത്തത് മടക്കികൊക്കാന്‍ താമസിച്ചതിന്റെ പേരില്‍ ബ്ലേഡ്മാഫിയ സിന്ധു ഉള്‍പ്പടെയുള്ള ആറംഗകുടുംബത്തെ വീട്ടില്‍ നിന്നും ഇറക്കി വിട്ടിരുന്നു. കയറികിടക്കാന്‍ ഇടമില്ലാത്തതിനാല്‍ എണ്‍പത്തിയഞ്ച്  വയസുള്ള  മാതാവ് അടങ്ങിയ കുടുംബം വീടിന്റെ സിറ്റൗട്ടില്‍ ഏറെ നാളായി താമസിച്ചു വരികയാണ്. ഇവരയാണ് കഴിഞ്ഞദിവസം അക്രമിച്ചത്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക